Entrega simbóliko di 1000 buki di Fien i Teun

WILLEMSTAD –  Minister di Enseñansa, Siensia, Kultura i Deporte sr. Sithree van Heydoorn a risibí na su despacho e organisashonnan Van Hoorne Studios i Biblionef.  E organisashonnan akí a hasi entrega simbóliko di 1000 buki di lesa Fien i Teun pa nos skolnan di fundeshi. A entregá  karikaturanan Fien i Teun tambe. E enfoke di e bukinan ta relashoná ku aventuranan kaminda ta mustra mucha tur e aktividatnan ku ta realisá den un hasienda. Esaki ta promové lesamentu i ta keda presentá na e muchanan den forma edukativo i di manera di un wega.

Van Hoorne Studios ta un organisashon establesé na Hulanda ku ta spesialisá den e mundu di organisá evento i entretenamentu spesalmente pa mucha. Nan vishon ta pa eduká i forma mucha a traves di kreatividat, kaminda ta hasi uso di buki, evento, teatro, televishon, atrakshon kreativo i hopi mas. E buki i material ku nan ta brinda ta na hulandes i ta pa mucha di 0 te ku 7 aña. Por tuma nota di nan website (www.vanhoorne.com i www.biblionef.nl ) i tur nan kanalnan verifiká di Facebook, Instagram, YouTube i Spotify.  

Minister di ESKD sr. Sithree van Heydoorn a keda sumamente kontentu ku e bishita i e entrega simbóliko di e 1000 bukinan. Na momento ku e bukinan yega Kòrsou lo repartí esakinan na e skolnan. A la bes, a traha un sita pa topa atrobe i sondea posibilidat pa skirbi buki na idioma papiamentu. 

— 

KOMUNIKASHON 

**Riba e potrètnan athunto por tuma nota di e bishita di direktor di Van Hoorne Studios, sr. Robert van der Vliet, i sra. Ineke van Riemsdijk di Biblionef. 

Pa mas potrèt por bishitá: Van Hoorne Studio serka Minister