Publiká riba 09 Febrüari 2026
Willemstad, 8 febrüari — Minister di Salubridat Públiko, Medio Ambiente i Naturalesa Sr. Tyron Boekhoudt, a dirigi algun palabra kortiku ayera na miembro nan di Krus Kòra Kòrsou promé ku nan a sali pa bai traha na Marcha Hubenil.
Den su mensahe, Minister Boekhoudt a ekspresá su apresio profundo pa e kompromiso, profeshonalismo i preparashon di tur boluntario di Krus Kòra. Minister a rekonosé e rol esensial ku nan tin den sigurá e bienestar di partisipante nan i publiko durante e marchanan di karnaval.
Minister a animá e boluntarionan pa sigui hasi nan trabou ku dedikashon, mirando ku nan kontribushon ta fundamental pa ku e eventonan kultural di Kòrsou por tuma luga di un manera sigur.
Ku inisio ofisial di karnaval, Minister Boekhoudt ta reafirmá su apoyo na organisashonnan manera Krus Kòra, ku ta hunga un ròl krusial den protekshon di salu públiko di nos komunidat.
