Publiká riba 26 Yanüari 2026
Willemstad – djaluna 26 di yanüari 2026, Minister Boekhoudt a hasi un bishita di trabou na Egg Farm Moderno. Durante e bishita aki a splika e importansia di produkshon lokal di webu pa Kòrsou, ku énfasis riba seguridat di kuminda, kalidat i fortalesémentu di ekonomia lokal.
E kompania a mustra e ekspanshon resientemente kompletá di su instalashonnan i a duna un rekorido na e fasilidatnan nobo. Tambe a duna un splikashon di e instalashon di sekamentu di e mèst ku ta den konstrukshon aktualmente, un paso importante pa mas sostenibilidat den e operashonnan.
Finalmente, Egg Farm Moderno a elaborá riba su vishon i plannan di futuro i ekspanshon, ku énfasis riba mas kresementu, inovashon i pa segurá kontinuidat di produkshon lokal.
Un bishita di trabou balioso na un kompania lokal ku a demostrá kon empresario, sostenibilidat i seguridat di kuminda ta bai man ku man.
