Publiká riba 23 Novèmber 2025
Philipsburg — ‘Vierlanden overleg’ riba Salubridat Públiko 2025 a tuma lugá djaweps 20 di novèmber na Sint Maarten. Durante e konsulta aki, e Ministernan di Salubridad Publiko di Aruba, Kòrsou, i Sint Maarten, i e Secretaria di Estado di Salubridad, Bienestar i Deporte di Hulanda, a reuní pa sigui fortifiká e koperashon riba tereno di salubridad publiko.
Kòrsou a wòrdu representa pa Minister Roderick Middelhof, kende a partisipá komo Minister Interino di Salubridad Publiko den nomber di Ministerio di Salubridat Publiko, Medio Ambiente i Naturalesa (GMN). Su presensia ta enfatisá e determinashon di Kòrsou pa aselerá modernisashon legislativo, preparashon pa krísis, i koperashon regional den kuido médiko den Reino.
E reunion tabata un oportunidat importante pa enfoká riba entre otro:
Un tópiko klave ta e progreso di e Netwerk di Ekspertisio di Salubridat Públiko Karibense Hulandes (Ducaphen) i e esfuerso konhunto pa harmonisá legislashon den e parti Karibense di Reino, partikularmente den e áreanan di kuido obligatorio i e referensia di klientenan di kuido mental entre e islanan.
Durante e reunion, Minister Middelhof a enfatisá:
“Salubridat públiko ta un responsabilidat kompartí den Reino. Kòrsou ta keda komprometé na modernisá nos legislashon di kuido di salú, fortalesé resiliensia na krísis, i garantisá kuido seif i di kalidat haltu pa tur nos residentenan.”
E reunion a wòrdu organisá pa Minister Brug di Ministerio di Salubridat, Desaroyo Sosial i Labor di Sint Maarten. E reunion a konkluí ku firmamentu di akuerdonan atministrativo, un areglo mutuo pa kuido di salú mental, i eskohonan di polítika dirigí riba legislashon konkordante pa tur forma di kuido obligatorio den e parti Karibense di Reino.
