Publiká riba 24 Febrüari 2026
Willemstad 24 di febrüari 2026, Promé Minister Pisas tabatin un reunion virtual pa sera konosí ku e Sekretario di Estado nobo enkargá ku Relashonnan di Reino, Sr. Eric van der Burg. E kombersashon a tuma lugá den presensia di Promé Minister di Aruba, Sr. Mike Eman, i Promé Minister di Sint Maarten, Sr. Luc Mercelina.
E meta primordial di e enkuentro tabata pa sera konosí ku otro i pa konfirmá e bon relashon di trabou entre e mandatarionan den kuadro di e kooperashon den Reino Hulandes. Na e okashon aki no a diskutí tópikonan di maneho.
Durante e reunion, a akordá ku e kuater paisnan lo reuní atrobe riba korto plaso na Hulanda, riba invitashon di e Promé Minister nobo di Hulanda, sr. Rob Jetten. Banda di esei, Sekretario di Estado Van der Burg a indiká ku e tin intenshon di hasi un bishita di trabou na e paisnan karibense di Reino den e próksimo lunanan. Promé Minister Pisas ta kere ku lo tin un kooperashon konstruktivo ku e sekretario di estado nobo, na bienestar di un bon funshonamentu di Reino.
