Publiká riba 06 Òktober 2025
WILLEMSTAD – Djadumingu, 5 di òktober 2025, tabata un dia yená ku ambiente musikal pa nos hendenan di Bándabou. Nos Promé Minister Pisas tambe tabata presente huntu ku su otro koleganan na e selebrashon di Klousura di Siman di Kultura, Dia di Bándabou i Apertura ofisial di temporada di Karnaval na Bándabou.
Promé Minister Pisas a entregá premio na e skolnan ganadó ku a kompetí na e kues kultural titulá “Mi talento pa mi pais”. Pero tambe a duna rekonosementu na 4 baluarte musikal, kual ta sr. Gilbert ‘Gibi’ Doran, sr. Ludson Andrea, sr. Eligio Gijsbertha i tambe sr. Ruchi Isidora. E baluartenan akí a yuda pa preservá i promové nos herensia musikal.
Promé Minister Pisas a rekonosé e balor grandi di pueblo di Bándabou ku ta biba nos kultura ku pashon.
