Publiká riba 11 Mart 2026
WILLEMSTAD – Riba djamars, 10 di mart 2026, Promé Minister Gilmar Pisas a reuní ku e Komishon Nashonal di SDG, presidí dor di sra. Christa Zuiverloon. Durante e enkuentro tambe tabata presente e Sekretariado, e Komishon Estadístiko i e subkomishonnan di e pilarnan Hende, Planeta i Prosperidat (People, Planet and Prosperity).
Gobièrnu di Kòrsou, via un Landsbesluit di 13 di yanüari 2020, a instituí e Komishon Nashonal pa Agenda 2030 i e Sustainable Development Goals (SDG’s). E komishon tin komo meta pa guia i koordiná e esfuersonan nashonal pa realisá desaroyo sostenibel na Kòrsou.
Entre e metanan ku tin prioridat ta:
SDG 1 – No tin pobresa (No Poverty)
SDG 3 – Bon salú i bienestar (Good Health and Well-being)
SDG 4 – Enseñansa di kalidat (Quality Education)
SDG 7 – Energia pagabel i limpi (Affordable and Clean Energy)
SDG 8 – Trabou digno i kresementu ekonómiko (Decent Work and Economic Growth)
SDG 14 – Bida bou di laman (Life Below Water)
Gobièrnu di Kòrsou lo sigui pronto ku e implementashon i fortifikashon di e metanan di desaroyo sostenible ariba menshoná.
Riba potrèt (di man robes pa man drechi):
Roland Dreischor, CBS/ Komishon Estadístiko, Pédzi Girigori, GMN/SDG Raad/Pilar Planeta, Tim Koenen, KvK/ Komishon Estadístiko, Melissa van der Elst, CBS/ Komishon Estadístiko, Soraya Kleinmoedig, CTB/ Komishon Estadístiko, Chalrinela Conradus-Corasol, VVRP/Komishon SDG, Promé Minister Gilmar Pisas, Christa Zuiverloon, lider di SDG Raad, Regie Martis, CBCS/ Komishon Estadístiko, Miluschka Rosario, Ministerie Justitie/Komishon SDG, Geovana Maria, Ministerio di finansas/SDG Raad, Virlène Els, Ministerie SOAW/SDG Raad.
