Publiká riba 26 Mart 2026
WILLEMSTAD – Riba djarason, 25 di mart 2026, e Komishon di Evaluashon tokante e Areglo Mutuo pa Koperashon riba Reformanan a presentá nan rapòrt, inkluso konklushonnan i rekomendashonnan, na Konseho di Minister. Den e rapòrt, e komishon a evaluá e kolaborashon entre e paisnan den Reino den kuadro di e agènda di reformanan manera stipulá den e Landspaket, ku a kuminsá na 2020 komo reakshon riba e krísis di COVID-19.
Riba djaweps 26 di mart 2026, durante un enkuentro virtual ku e Sekretario di Estado di Asuntunan Interno i Relashonnan di Reino, sr. Eric van der Burg, a interkambiá di opinion riba e trayekto ku lo segui. Promé Minister Pisas a indiká ku Parlamento lo wòrdu informá promé riba e resultadonan, konklushonnan i rekomendashonnan di e Komishon di Evaluashon. Den e kuadro aki, e gobièrnunan di e kuater paisnan a akordá ku e rapòrt lo wòrdu presentá simultáneamente na nan respektivo parlamento dia 2 di aprel próksimo.
Despues di esaki, lo sigui un reakshon di Gobièrnu, despues di kua e tema lo wòrdu tratá den Parlamento. Durante e tratamentu aki, Gobièrnu lo indiká si e regulashon di kolaborashon mutuo lo wòrdu prolongá i di kua manera. En prinsipio, esaki por sosodé pa un periodo máksimo di dos aña. Sinembargo, pa un eventual prolongashon ta nesesario aprobashon di e Staten.
