Publiká riba 13 Òktober 2025
WILLEMSTAD – Resientemente, na petishon di Direktorado di Gaming Control Board (GCB), Promé Minister Gilmar Pisas a wordu informá tokante e último desaroyonan den sektor di wega di azar, despues di e introdukshon di un lei nobo di supervishon na fin di 2024.
Den un artíkulo publiká den Antilliaans Dagblad di 13 di òktober 2025 (“Gaming nu onder Pisas”) i den algun publikashon riba medianan sosial, a wordu indiká – pa motibu di e enkuentro ku Direktorado di GCB – ku Promé Minister sr. Gilmar Pisas tin e responsabilidat ministerial riba GCB. Gobièrnu ke aklará ku no tin ningun tipo di responsabilidat polítiko formal di Promé Minister Pisas riba GCB. Esaki no ta korekto.
Resientemente, GCB tabata bou di kartera di Minister di Finansa. Sinembargo, for di 19 di oùgùstus 2025 e responsabilidat polítiko pa e supervishon riba e sektor di wega di azar ta pertenesé na Minister di Hustisia, sr. Shalton Hato.
Esaki ta un konsekuensia di e hecho ku, desde ku a introdusí e Landsverordening op de Kansspelen (LOK), e enfoké a kambia di por krea un base legal sòlido pa e supervishon di e sektor, pa mas enfoké riba mantenshon i kombatimentu di aktividatnan ilegal. Pa esaki, e Minister di Hustisia ta e persona ministerial mas relevante.
