Publiká riba 31 Òktober 2025
WILLEMSTAD, 31 di òktober 2025 – Promé Minister di Kòrsou, sr. Gilmar Pisas, a presentá un petishon na Reino Hulandes pa pidi sosten humanitario pa e pueblo di Jamaica.
Komo resultado di e petishon aki, e barku di marina Zr.Ms. Pelikaan a sali for di Kòrsou i ta bai Jamaica pa duna ayudo di emergensia despues ku orkan Melissa a pasa riba e isla djamars ultimo.
Zr.Ms. Pelikaan tin abordo alimentashon, material médiko i shelternan pa protehá hende ku a keda sin kas. E barku lo hasi un parada na Barbados promé. E Pelikaan ta un barku ku tin e fasilidat di un kran i un espasio grandi pa karga, loke ta hasi’é hopi apto pa e tipo di mishon humanitario aki.
Promé Minister Pisas a indiká ku Kòrsou ta sigui para den solidaridat ku Jamaica den e momentunan difísil aki i ku e paisnan den Reino ta trahando huntu pa yuda Jamaica. Un isla hermana den nos region di Karibe i alabes miembro di CARICOM.
