Selekshon Nashonal di Natashon di Hulanda ta na Kòrsou

WILLEMSTAD -Selekshon nashonal di Hulanda di e ramo di e deporte di natashon olímpiko ta di bishita na Kòrsou. Minister enkargá ku Deporte, sr. Sithree van Heydoorn, huntu ku su kolaboradó i direktor di FDDK sr. Vergilly Winklar a bishitá e selekshon nashonal di Hulanda i a yama nan bon biní aki na Kòrsou.  

E selekshon ta den preparashon pa olimpiada e aña aki nan a bin praktiká aki na Kòrsou ku henter e tim. Nan ta keda 3 siman aki i ta hasi uso di e fasilidat deportivo di SDK ku ta kai bou di FDDK.  

**Riba e potrètnan athunto por tuma nota di e bishita na momento di práktika.  Pa un relato fotográfiko ku mas potrèt bishitá: Selekshon di Natashon di Hulanda di bishita.