Bon Biní na e página di Kondekorashon Krus di Mérito
For di aña 2004 riba Dia di Bandera, 2 di yüli, Gobièrnu di Kòrsou ta honra personanan ku a duna un aporte eksepshonal mas ku 5 aña i di forma boluntario na nos komunidat. E personanan akí ta risibí un kondekorashon, un ‘medaya’ ku yama Krus di Mérito.
Si abo ta un persona mayor di edat, di nashonalidat Hulandes i ta biba na Kórsou bo por postulá bo kandidato. Esaki ta posibel entre 1 te ku 29 di mart. Wak si bo kandidato ta kumpli ku e kriterionan pa por bin na remarke pa un Krus di Mérito.
Bo por postulá bo kandidato online. Tambe bo por download òf buska un formulario na Sektor di Kultura i Deporte na Bon Bini Business Center Schottegatweg Oost # 10.
Pa mas informashon di Krus di Mérito tuma kontakto ku Sektor di Kultura i Deporte via koreo-elektróniko krusdimerito@owcs.gov.cw òf na telefòn: 529 - 7369 entre 8 ‘or di mainta pa 5 ‘or atardi.
Ken por bin na remarke
Kriterionan pa risibí un Krus di Mérito
- E kandidato mester biba na Kòrsou;
- E kandidato mester ta riba 50 aña di edat;
- E mester ta di un komportashon ehemplar;
- Aparte di su trabou, el a okupá su mes ku aktividatnan ehemplar i na bienestar di nos komunidat, durante di un periodo di mínimo 5 aña;
- Mester tin prueba di e efektonan di e aktividatnan den nos komunidat.
Komishon di Krus di Mérito
Ken ta Komishon krus di Mérito
Komishon di Kondekorashon Krus di Mérito ta konsistí di 10 persona, ku ta asesorá Konseho di Minister den nan tareanan pa selektá e kandidato(nan) ku lo risibí un Krus di Merito. E komishon ta hasi esaki basá riba e kriterionan stipulá.
Pa e periodo 2022 – 2024 minister di Enseñansa, Siensia, Kultura i Deporte a nombrá e siguinte personanan komo miebro di e Komishon:
1. Lizette Sambo – Velder Sektor Kultural Edukativo (Presidente)
2. Desidelia Frans – Schoop Sektor Sosial-Kurativo
3. Roland Rooi – Sektor Ekonómiko
4. Judith Menig – Konseho di Iglesia
5. Marilyn Lourens – Sindikato
6. Ralph Ottenheim – Kamara di Komersio
7. Sharifa Bashir – Komunikashon i Media
8. Anisha Hansen – da Costa Gomez Jeugdraad
9. Roberto de Lannoy – Ouderenraad
10. Un representante di Direktorado di Komunikashon i Informashon
E sekretariado di e komishon ta kai bou di ministerio di Enseñansa, Siensia, Kultura i Deporte bou di enkargo di Sonaline George i Urlmar Concepcion.
Mas informashon Krus di Mérito
Sektor di Kultura i Deporte
E-mail: krusdimerito@owcs.gov.cw
Telefòn: 529-7369 (8‘or di mainta pa 5‘or di atardi)
