Personanan ku ta biba den eksterior i ta desea di traha, biba òf kore stazje na Kòrsou mester hasi un aplikashon pa un pèrmit di estadia òf un deklarashon.
Personanan di nashonalidat hulandes òf merikano ku ta desea di traha, biba òf kore stazje na Kòrsou ta apliká pa un deklarashon van Rechtswege. E personanan/nashonalidatnan aki mester hasi e aplikashon pa e deklarashon via di www.immigrationcur.org.
Pa personanan di otro nashonalidat ku ke apliká pa un pèrmit di estadia, por hasi esaki na kantor di Servisio di Atmishon. (Klek riba Servisio di Atmishon pa por bai na e página.)
Despues di a risibí e pèrmit òf deklarashon mester pasa na Servisio Públiko pa registrá i/òf inskribí. Pa mas informashon tokante e dokumentonan nesesario pa Servisio Públiko por yama Bentana di Informashon na 0800-1515.
Si bo ta biba na Kòrsou, registrá na Servisio Públiko i ta bai muda pa eksterior, mester hasi e proseso di kita di nòmber. Esaki ta konta pa tur nashonalidat menos pa nashonlidat hulandes.
Personanan di nashonalidat hulandes ta solamente kita nòmber for di Servisio Públiko. E otro nashonalidatnan si mester hasi un proseso èkstra, e asina yamá stempel procedure. Pa mas informashon primi riba e link aki òf por tuma kontakto ku Servisio di Atmishon na info@immigrationcur.org.
Pa kontrolá si bo petishon ta proseso òf a keda prosesá kaba primi riba link aki pa e lista.
