Publiká riba 07 Yüni 2021
WILLEMSTAD – Despues ku Parlamento di Kòrsou a aprobá e lei pa ámtenarnan por baha ku e asina yamá Vervroegd Vrijwillige Uitstroom (VVU), Gobièrnu di Kòrsou ta anunsiá ku e lei ofisialmente a drenta na vigor dia 3 di yüni 2021 (P.B. 2021, no. 65). Por lesa òf download e lei kompletu via di: https://gobiernu.cw/nl/laws/landsverordening-vervroegd-vrijwillige-uitstroom/ .
Preparashonnan ya ta tumando lugá pa un temporada kaba ku e Ministerio di Gobernashon, Planifikashon i Servisio na kabes. Aktualmente ta teniendo seshonnan ku hefenan di servisio pa huntu determiná definitivamente kon ta despedí di tur esnan ku ta deseá na bai ku VVU, pero tambe kon ta bai atendé ku e trabounan ku ta keda atras.
Gobièrnu di Kòrsou lo keda informá komunidat di e desaroyo akí i ta traha pa minimalisá e impakto ku esaki lo tin riba e servisio brindá na nos komunidat.
