Konsiderando e normal nobo ku ta konta pa pueblo di Kòrsou, a disidí ku ta kontinuá ku e aktividatnan den kuadro di e Premio Charlwin ”Broertje” Marshall ku ta bai keda organisá ku e distansia sosial nesesario. E kompetensia kulinario ta keda organisá den estrecho koperashon ku CTB i CHATA i ta tuma lugá dia 13 di yüni 2020. Periodo di inskripshon pa kompetensia pa Premio Charlwin “Broertje” Marshall ta di 14 di mei 2020 pa 26 di mei. E entrega di e premio ta tuma lugá dia 27 di yüni 2020.