Pa loke ta trata tantu aña 2019 komo 2020, Ministerio di Desaroyo Ekonómiko (MEO) a tuma nota ku tin diferente pèrmit di tantu Horeca komo Onshore ku no a keda buská ainda na Lokèt di Pèrmit. Tur persona ku a hasi petishon pa e respektivo pèrmitnan, ya a keda notifiká ku su pèrmit ta aprobá i kiko ta e pasonan nesesario pa e por pasa buska esaki mas pronto posibel.
Mirando ku ta trata aki di pèrmitnan ku a keda aprobá durante e periodo promé i durante inisio di e pandemia di COVID-19 aki na Kòrsou, MEO tin total komprenshon pa posibel retrasonan ku a surgi den buskamentu di e pèrmitnan en kuestion.
Sinembargo, pa medio di esaki MEO ta publiká e lista di pèrmitnan ku a keda aprobá na aña 2019 i 2020 ku no a pasa buska ainda i ta ekstendé un apelashon pa doño di e pèrmitnan akí pasa buska esaki na Lokèt di Pèrmit.
MEO ta pidi tur persona ku tin un petishon pendiente pa sea pèrmit di Horeca òf Onshore, pa por fabor tuma nota di lista akí. Si akaso bo nòmber òf nòmber di bo kompania ta aparesé riba e lista, por tuma kontakto ku departamento di Afgifte di Lokèt di Pèrmit telefónikamente via 434-1692. Tambe por tuma kontakto via email na afgifte.vergunningenloket@gobiernu.cw pa asina traha un sita pa pasa buska e pèrmit.
