E paisnan den Reino pa basta tempu ta prepará nan mes riba e posibilidat di un eventual migrashon masal for di Venezuela, pa motibu di e krisis humanitario ku ta tuma lugá einan. Nos a prepará riba gruponan grandi ku simultaniamente lo a yega nos islanan. Gobiernu di Korsou a konstata ku serka nos e migrashon masal si a tuma lugá for di 2016, pero den un forma sekreto no hopi visibel pa bista. Nan no a bini den gruponan grandi.
Venezolanonan ku pèrmitnan kaduká no a regresá nan pais, Venozolanonan ku a yega komo turista a keda Kòrsou i no semper a mira botonan ku a bini regularmente ku tripulantenan indokumentá. Tasashonnan basá riba investigashonnan inisial, ta duna un indikashon ku aktualmente tin un populashon di minimal 4000 te ku 6000 Venezolano na Kòrsou sin papelnan d i estadia. E hendenan aki ta biba i traha na Kòrsou den un forma ilegal. Banda di esei tin kasonan di trafikashon humano, trafikashon di droga i arma. Gobièrnu ta prekupá pa e konsekuensianan negativo di e populashon di hendenan ku ta biba ilegal riba Kòrsou di komunidat pa loke ta trata merkado laboral, seguridat sosial, kuido mèdiko i enseñansa.
