Ni Kòrsou su komunidat, ni su ekonomia, spesifikamente merkado laboral, no por apsorbá un montante grandi di miles di migrante. Si nos no por duna migrante un bista riba e oportunidat pa por biba independiente pa medio di trabou, ta nifiká ku nos lo mester profeé e migrantenan un lokalidat pa akogída. Kòrsou no por hasi esaki pa motibu di falta di eksperiensia ku esaki i falta di fondo i kapasidat pa e akogida segun normanan internashonal.
Un di e aspektonan den e petishon pa yudansa na Hulanda ta asistensia di Reino pa haña konekshon pa indokumentadonan ka ta na Kòrsou ku akogídanan regional, ora eseinan kue forma. Ademas Kòrsou, huntu ku organisashonnan internashonal, ta laga investigá e populashon Venezolano riba nos isla, pa wak si tin eventual mesesidat i posibilidat pa atmishon di personanan ku por traha kaminda tin skarsedat di nan fishi òf profeshon riba merkado lokal. Internashonalmente te ainda ta hañ’é posibel di por manda Venezolanonan bèk pa Venezuela.
Loke si ta asina ta ku Kòrsou, miranda e difikultatnan ku e pueblo Venezolano ta pasa aden, a ofresé pa fungi komo hub humanitario si tin mester. Te ainda e petishon ei no a bini.
Betekent deze hulpvraag dat het probleem van migratie vanuit Venezuela naar de eilanden toch veel groter is dan werd voorzien?
