Si bo ta komo turista. Bo por uza bo reibeweis di estranhero durante bo estadia. E reibeweis mester ta wèl bálido i mester ta entregá dor di un pais ku ta den e tratado di Genève. Bo ta bin biba na Kòrsou? E or’ei bo por uza e reibeweis estranhero pa un sierto periodo. Si e periodo a pasa bo por partisipá den e tráfiko solamente ku e reibeweis di Kòrsou. Si bo a haña bo reibeweis serka di un pais ku ta den e tratado di Genève e or’ei bo por kambia bo reibeweis pa un di Kòrsou. Ta posibel ku tòg bo tin ku pasa e prueba práktiko. Tur otro kaso bo mester pasa eksámen teorétiko di nobo.
