Desishonnan di djárason 24 di aprel 2024

Desishonnan relashoná spesífikamente ku asuntunan di pais riba nivel nashonal di djárason, 24 di aprel 2024:

1. Proposishon pa un maneho di formashon stratégiko riba nivel gubernamental amplio pa Kòrsou 2024-2029 (Minister di Maneho di Gobernashon, Planifikashon i Servisio Públiko)

Konseho di Minister a bai di akuerdo ku kontenido i alkanse di e dokumento athunto titulá: “Overheidsbreed Strategisch Opleidingsbeleid Curaçao 2024-2029” vershon di mart 2024, solisitá pa Minister di Maneho di Gobernashon, Planifikashon i Servisio Públiko riba 15 di aprel 2024.

2. Presentashon di dokumentonan tokante konsepto di lei riba weganan di hazar na Parlamento (Minister di Finansa)

Konseho di Minister a bai di akuerdo ku kontenido i e proposishon di un ‘concept-memorie van atnwoord’, un konsepto di nota di modifikashon i diseño adaptá di e konsepto di lei riba weganan di hazar pa tratamentu den Parlamento.

3. Konseho riba ahustenan di tarifa pa produktonan di kombustibel regulá desde 30 di aprel 2024 (Minister di Desaroyo Ekonómiko)

Konseho di Minister a disidí lo siguiente:

1. Ta ahustá tarifa di produktonan di kombustibel for di 30 di aprel 2024 segun tabèl 2 segun konseho di dia 19 di aprel 2024 di Direktor di ‘Bureu Telecommunicatie & Post (BTP), ku kalkulashonnan den anekso 1;
2. E komponente di tarifa ‘waarboring brandstofvoorziening 1a’ ta keda apliká manera a disidí den e dekreto ministerial di 26 di yüli 2023;
3. E komponente di tarifa ‘waarborging brandstofvoorziening 1b’ ta keda apliká manera a disidí den e dekreto ministerial di 26 di yüli 2023;
4. Ta publiká e tarifanan nobo (mira aneksonan 2.1 i 2.2);
5. Ta determiná e reglamentu ministerial ku funshonamentu general (mira anekso 3);
6. Ta prepará, firma i manda un karta huntu ku e aneksonan korespondiente pa Curoil.

Tur esaki di akuerdo ku konseho di dia 19 di aprel 2024 di Direktor di ‘Bureau Telecommunicatie en Post’ (BTP).

4. Konseho riba ahuste di tarifanan di awa i koriente desde 1 di mei 2024 (Minister di Desaroyo Ekonómiko)

Konseho di Minister ta bai di akuerdo ku lo siguiente:

1. Determinashon di un klousulá di kombustibel pa mei 2024 segun kalkulashon den anekso 1 (Tabèl 9, rei 2) segun konseho di 19 di aprel 2024 di e Direktor di ‘Bureau Telecommunicatie en Post’ (BTP);
2. E determinashon di tarifanan promedio pa koriente i awa desde 1 di mei 2024, manera ta desplegá den tabèl A, rei 2 di dicho konseho;
3. Publikashon di tarifanan nobo (anekso 2.1 en 2.2);
4. Determinashon di reglamentu gubernamental ku funshonamentu general (anekso 3);
5. Firmamentu i mandamentu di e karta ku aneksonan korespondiente dirigí na Aqualectra (anekso 4)

Tur esaki di akuerdo ku konseho di 19 di aprel 2024 di Direktor ‘Bureau Telecommunicatie en Post’ (BTP).

MAS NOTISIA