Publiká riba 07 Aprel 2026
Desishonnan relashoná spesífikamente ku asuntunan di pais riba nivel nashonal di djárason, 1 di aprel 2026:
1.Grupo di trabou Maneho Duradero pa Klein Kòrsou (Ministerio di Salubridat, Medio Ambiente i Naturalesa)
Konseho di Minister ta bai akuerdo ku petishon di Minister di Salubridat, Medio Ambiente i Naturalesa (GMN) pa instalashon di un grupo di trabou Maneho Duradero pa Klein Kòrsou pa medio di un dekreto gubernamental. Lo presentá e desishon aki na Gobernador pa firma.
2. Partisipashon na e ‘SIS Caribisch gebied’ (Ministerio di Asuntunan General)
Konseho di Minister ta bai di akuerdo ku e petishon di Direktorado di Lei i Kasonan Hurídiko (WJZ) di Ministerio di Asuntunan General pa partisipashon na e grupo di trabou internashonal ku mester yega na implementashon di un sistema pa informashon di víktima ‘Slachtoffer Informatie Systemiek (SIS) Caribisch Gebied’. Ku esaki WJZ por aserká e servisio i organisashonnan den e ministerionan pa nan koperashon pa optené informashon nesesario, pa aplikashon di e SIS den e struktura di kalamidat.
3. ‘Progress Report National Strategy Curaçao’ di e komishon AML/CFT/CFP (Ministerio di Finansa)
Konseho di Minister a bai di akuerdo ku asignashon di desishon di konseho tumá dia 24 di mart 2026 na unda a bai di akuerdo ku determinashon di ‘Progress Report National Strategy Curaçao’ (mart 2026) di e komishon AML/CFT/CFP na fabor di e rapòrt di progreso (‘First Follow-Up Report’) di Kòrsou na CFATF. Ta trata aki di un proposishon di e Minister di Finansa.
