Desishonnan di djárason 1 di mart 2023

Desishonnan relashoná spesífikamente ku asuntunan di pais riba nivel nashonal di djárason, 1 di mart 2023:

1. Relashoná ku e petishon di Minister di Finansa riba 13 di febrüari 2023 tokante reportahe di e maneho finansiero pa luna di desèmber 2022, inkluso e reportahe di ehekushon pa e di kuater kuartal di 2022, Konseho di Minister ta aprobá e siguiente puntonan:

• • Di akuerdo ku reportahe di e maneho finansiero pa luna di desèmber 2022 inkluso e reportahe di ehekushon pa e di kuater kuartal di 2022;
  • D akuerdo pa presentá tantu e reportahe di maneho finansiero pa luna di desèmber 2022 komo e reportahe di ehekushon pa e di kuater kuartal di 2022 na Gobernador i Parlamento;
  • Di akuerdo pa entregá tantu e reportahe di maneho finansiero pa luna di desèmber 2022 komo e reportahe di ehekushon pa e di kuater kuartal di 2022 na Kolegio di Supervishon Finansiero pa risibí konseho.

Esaki konforme konseho di Direktor di Sektor pa Maneho Finansiero i Maneho di Presupuesto di dia 13 di febrüari 2023 i petishon di Minister di Finansa di dia 13 di febrüari 2023.

Ministerio(nan) responsabel: Ministerio di Finansa.

---

2. Konseho di Minister ta bai di akuerdo ku kontenido di e karta di Promé Minister tokante opinion di Kòrsou riba e reportahenan di ehekushon den konsepto relashoná ku Pakete Pais Aruba, Kòrosu i St. Maarten (pa e periodo di 16 di novèmber 2022 pa 15 di febrüari 2023 – e parti ku ta konserní Kòrsou) i pa presentá esaki, pa medio di Sekretario di Estado di Relashonnan den Reino i Digitalisashon, na Koseho di Minister di Reino.

Ministerio(nan) responsabel: Ministerio di Asuntunan General.

---

3. Konseho di Minister a tuma nota di e karta di Minister di Asuntunan General ku fecha 27 di febrüari tokante e kondishonnan limitá pa RdK N.V relashoná ku eksonerashon di OFAC, kual a keda entregá na Minister di Asuntunan Eksterior.

Ministerio(nan) responsabel: Ministerio di Asuntunan General.

---

4. Konseho di Minister ta bai di akuerdo ku selekshon di e personanan ku ta forma parti di e komishon enkargá ku e ‘gunningstraject kostprijs- en doelmatigheidsonderzoek ziekenhuizen Curaçao’, konsistiendo di:

• • Presidente di e tim di proyekto ‘Verduurzaming Entiteiten CMC’ (alabes presidente di e komishon enkargá ku e ‘gunningstraject’);
  • Un representante di e Bureau Telecommunicatie en Post/ Curaçaose Zorgautoriteit in oprichting (BTP/CZa i.o);
  • Un representante di Ministerio di Salú, Medio Ambiente i Naturalesa;
  • Un representante di Banko di Seguro Sosial (SVB);
  • Un representante di Ministerio di Finansa;
  • Un representante di Curaçao medical Center (CMC);
  • Un representante di Antiellean Adventist Hospital (AAH).

Esaki konforme proposishon di Minister di Salú, Medio Ambiente i Naturalesa di dia 24 di febrüari 2023.

Ministerio(nan) responsabel: Ministerio di Salú, Medio Ambiente i Naturalesa.

---

5. Konseho di Minister ta bai di akuerdo ku dokumentashon di e desishon ku ya a keda tumá riba 23 di febrüari 2023 tokante instrukshon na Minister Plenipotensiario relashoná ku reunion di Konseho di Minister di Reino planiá riba 24 di febrüari 2023, pa loke ta trata e Lei di Reino ku a keda proponé pa aprobá e Tratado entre Reino Hulandes i e Repúblika Franses relashoná ku demarkashon di e frontera entre Reino Hulandes (St. Maarten) i e Repúblika Franses (Saint-Martin).

Esaki konforme konseho di Direktor di Direktorado di Relashonnan Eksterior di dia 17 di febrüari 2023.

Ministerio(nan) responsabel: Ministerio di Asuntunan General.