Publiká riba 13 Yanüari 2023
Desishonnan relashoná spesífikamente ku asuntunan di pais riba nivel nashonal di djárason, 11 di yanüari 2023:
1. Konseho di Minister ta bai di akuerdo ku kontenido di e konsepto di lei, kual ta konsistí di medidanan relatá na ehekushon di artíkulo 13, insiso tres, di e ‘Landsverordening financieel beheer’, huntu ku e Nota di Splikashon. Konseho di Minister alabes ta bai di akuerdo pa presentá e konsepto di lei akí na Gobernador pa ratifiká.
Esaki konforme petishon di Minister di Finansa interino di dia 28 di desèmber 2022, konseho di Direktor di Sektor di Maneho Finansiero i Maneho di Presupuesto di dia 12 di desèmber 2022 i konseho di Direktor di Direktorado di Lei i Kasonan Hurídiko di dia 9 di desèmber 2022.
Ministerio(nan) responsabel: Ministerio di Asuntunan General i Ministerio di Finansa.
2. Konseho di Minister ta bai di akuerdo ku e petishon di Ministerio di Finansa pa kambio den presupuesto – aplikando artíkulo 47, insiso tres, di e ‘Lands Landsverordening comptabiliteitsvoorschriften’ – den kuadro di pago di prima na Algemeen Pensioenfonds Curaçao (APC) relashoná ku ‘Vervroegd Vrijwillige Uitstroom’ (VVU).
Esaki konforme konseho di Direktor di Sektor di Maneho Finansiero i Maneho di Presupuesto di dia 8 di mart 2022.
Ministerio(nan) responsabel: Ministerio di Finansa.
3. Konseho di Minister ta bai di akuerdo ku dokumentashon di e desishon ku ya a keda tumá dia 21 di desèmber 2022, kaminda a akordá e konsepto di lei ku ta trata dunamentu di un pèrmit ekonómiko na United Caribbean Airlines B.V. den kuadro di ofresé beulonan pa transportá hende, merkansia i pòst.
Esaki konforme petishon di Minister di Tráfiko, Transporte i Planifikashon Urbano di dia 28 di desèmber 2022 i konseho di Direktor General di Outoridat di Aviashon Sivil di Kòrsou di dia 16 di desèmber 2022.
Ministerio(nan) responsabel: Ministerio di Tráfiko, Transporte i Planifikashon Urbano.
4. Konseho di Minister ta bai di akuerdo ku dokumentashon di e desishon ku ya a keda tumá dia 28 di desèmber 2022, pa duna Ministerio di Desaroyo Sosial, Labor i Bienestar e outoridat pa sera Service Level Agreements (SLA’s) ku NLI Business Architect Solutions relashoná ku kreashon i mantenshon di e aplikashon “Customer Relationship Management” (CRM) i tambe ku ICTLABS B.V.
Esaki aplikando artíkulo 10 di e ‘Landsverordening financieel beheer’ na fabor di Sektor di Desaroyo Sosial, kon tal kua base di e ‘Landsverordening Materieel Ambtenarenrecht’ (LMA) Minister di Desaroyo Sosial, Labor i Bienestar ta kontinuamente den kontakto ku ámtenarnan responsabel. Un ke otro konforme konseho di Direktor di Sektor di Maneho Finansiero i di Maneho d Presupuesto di dia 15 di desèmber 2022.
Ministerio(nan) responsabel: Ministerio di Desaroyo Sosial, Labor i Bienestar.
5. Relashoná ku petishon di Ministerio di Enseñansa, Siensia, Kultura i Deporte riba 3 di yanüari 2023 tokante un akuerdo di mantenshon entre pais i Fundashon Curaçao Little League Softball, Konseho di Minister ta bai di akuerdo ku e siguiente puntonan:
Ministerio(nan) responsabel: Ministerio di Enseñansa, Siensia, Kultura i Deporte.
6. Konseho di Minister ta bai di akuerdo ku petishon di Ministerio di Hustisia pa kambio den presupuesto relashoná ku reparashon di dak di e kantina di Sentro di Detenshon i Korekshon Kòrsou (SDKK). Esaki aplikando artíkulo 47, insiso tres, di e ‘Landsverordening comptabiliteit 2010’ i konforme konseho di Direktor di Sektor di Maneho Finansiero i di Maneho d Presupuesto di dia 11 di novèmber 2022.
Ministerio(nan) responsabel: Ministerio di Hustisia.
