Publiká riba 15 Desèmber 2023
Desishonnan relashoná spesífikamente ku asuntunan di pais riba nivel nashonal di djárason, 13 di desèmber 2023:
1. Entrega di e dokumentu “Programa di Mehorashon den Enseñansa di Kòrsou 2023 – 2028″(Onderwijsverbeteringsprogramma Curaçao 2023 – 2028) (Minister di Enseñansa, Siensia, Kultura i Deporte)
Konseho di Minister a tuma nota di e dokumento titulá “Programa di Mehorashon den Enseñansa di Kòrsou 2023 – 2028” (Onderwijsverbeteringsprogramma Curaçao 2023 – 2028) presentá pa Minister di Enseñansa, Siensia, Kultura i Deporte riba 1 di desèmber 2023.
2. Proposishon pa un lei nobo kontra labamentu di plaka i finansiamentu di terorismo (Minister di Finansa)
Gobièrnu ke introdusí un lei nobo pa kombatí labamentu di plaka, finansiamentu di terorismo i finansiamentu di proliferashon. Konseho di Minister ta akordá e proposishon pa presentá esaki na Parlamento. Esaki ta inkluí den e lei ku a keda proponé i presentá riba 11 di desèmber 2023 pa Minister di Finansa.
3. Proposishon pa kambionan den maneho finansiero: Adaptashon den e lei (Minister di Finansa)
Kosneho di Minister ta bai di akuerdo ku e proposishon pa kambia e lei riba maneho finansiero. E lei adaptá ta wordu presentá na Gobernador i na Parlamento pa tratamentu. Esaki ta konforme proposishon di Minister di Finansa di dia 8 di desèmber 2023, teniendo kuenta ku e mèmo di dia 11 di òktober 2023 di Direktor di Sektor di Maneho Finansiero i Maneho di Presupuesto.
4. Proposishon pa reglanan nobo den e lei tokante hungamentu di wega di plaka (Minister di Finansa)
Konseho di Minister ta bai di akuerdo ku e proposishon pa presentá e reglanan nobo den e lei tokante hungamentu di wega di plaka na Parlamento. Esaki ta konforme proposishon di 11 di desèmber 2023 di Minister di Finansa.
