Publiká riba 15 Mei 2026
Desishonnan relashoná spesífikamente ku asuntunan di pais riba nivel nashonal di djárason, 13 di mei 2026:
1. Grupo di trabou interministerial riba asuntunan di desaroyo i edukashon tokante hubentut (Ministerio di Enseñansa, Siensia, Kultura i Deporte)
Konseho di Minister a aprobá pa establesé un grupo di trabou interministerial pa un aserkamentu integral riba asuntunan di desaroyo, siñamentu i edukashon ku ta regardá menornan di edat. E konsepto di e dekreto nashonal ta keda entregá na Gobernador pa firma.
2. Adaptashon di e grupo di proyekto pa seguridat di kuminda (Ministerio di Desaroyo Ekonómiko)
Konseho di Minister a aprobá anulashon di e dekreto nashonal anterior tokante e grupo di proyekto pa seguridat di kuminda i tambe un areglo modifiká pa e grupo di trabou interministerial. E konsepto modifiká di e dekreto nashonal ta keda entregá na Gobernador pa firma.
3. Koperashon ku Colombia riba tereno di seguridat di kuminda (Ministerio di Desaroyo Ekonómiko)
Konseho di Minister a aprobá un karta di intenshon (“Carta de Intención”) entre Kòrsou i e Agensia Colombiana pa Desaroyo Rural (ADR). E koperashon ta enfoká riba seguridat di kuminda, desaroyo di agrikultura i koperashon tékniko. Minister di Desaroyo Ekonómiko ta outorisá pa firma e akuerdo na nòmber di Kòrsou.
