Publiká riba 15 Ougùstùs 2025
Desishonnan relashoná spesífikamente ku asuntunan di pais riba nivel nashonal di djárason, 13 di ougùstùs 2025:
1. Bista general di petishonnan pa konseho serka SER (Ministerio di Asuntunan General)
Konseho di Minister a risibí un resúmen ku bista general di petishonnan pendiente pa konseho serka Konseho Sosial Ekonómiko (SER) te ku 30 di yüni 2025. Ta manda e resúmen pa archivo.
2. Relato di CARICOM riba opservashon di elekshon (Ministerio di Asuntunan General)
Konseho di Minister a tuma nota di e rapòrt di CARICOM riba e mishon pa opservá e elekshon ku resien a tuma lugá na Kòrsou. Lo manda e rapòrt pa Minister di Maneho di Gobernashon, Planifikashon i Servisio Públiko pa konsulta ku Konseho Elektoral.
3. Lantamentu di un grupo di direkshon i di trabou riba futuro di Landsloterij (Ministerio di Finansa)
Konseho di Minister a bai di akuerdo pa establesé un grupo di direkshon i di trabou ku lo trata futuro di Landsloterij. E desishon lo wòrdu firmá pa Gobernador.
4. Grupo di trabou temporal riba Sargassum (Ministerio di Salú, Medio Ambiente i Naturalesa)
Konseho di Minister a bai di akuerdo pa establesé un grupo di trabou temporal ku lo trata e problemátika di sargassum. E desishon lo wòrdu firmá pa Gobernador.
