Desishonnan di djárason 15 di mart 2023

Desishonnan relashoná spesífikamente ku asuntunan di pais riba nivel nashonal di djárason, 15 di mart 2023:

1. Relashoná ku e petishon di Minister di Hustisia di dia 7 di mart 2023 pa laga Kòrsou ‘host’ e konferensha di UN-ICAO-PKD den luna di novèmber 2023, Konseho di Minister ta bai di akuerdo ku e siguiente puntonan:

1. Pa laga Kòrsou ‘host’ e konferensha di UN-ICAO-PKD durante e periodo di 6 di novèmber 2023 pa 10 di novèmber 2023;
2. Pa enkargá Ministerio di Hustisia i Ministerio di Tráfiko, Transporte i Planifikashon Urbano ku e kordinashon general pa ku ‘hosting’ di e konferensha akí, un ke otro den koperashon ekstenso ku Ministerio di Desaroyo Ekonómiko i Ofisina di Turismo di Kòrsou (CTB);
3. Ku e gastunan pa Kòrsou relashoná ku ‘hosting’ di e konferensha ta bin kai pa tantu Ministerio di Hustisia komo Ministerio di Tráfiko, Transporte i Planifikashon Urbano;
4. Ku e gastunan mará na e evento kultural ta keda kubrí pa CTB;
5. Ku e gastunan pa un ‘borrel’ ta keda kubrí pa Bureau Telecommunicatie en Post (BT&P).

Esaki konforme e petishon di Minister di Hustisia di dia 7 di mart 2023. Na Minister di Hustisia pa sigui kordiná e trayekto di preparashon.

Ministerio(nan) responsabel: Ministerio di Hustisia i Ministerio di Tráfiko, Transporte i Planifikashon Urbano.

---

2. Konseho di Minister ta bai di akuerdo ku kontenido di e dekreto nashonal den konsepto pa instalá un tim (onderhandelingsteam) pa negoshá tokante kambionan den e “Bestuursakkoord LTP Kustwacht Caribisch Gebied 2019-2028”, ku ta konsistí di representantenan di Ministerio di Hustisia i Ministerio di Finansa, i tambe miembro di Presidium na nòmber di pais Kòrsou.

Esaki konforme proposishon di Minister di Hustisia di dia 10 di mart 2023. Konseho di Minister alabes ta bai di akuerdo pa entregá e dekreto nashonal den konsepto na Gobernador pa firma.

Ministerio(nan) responsabel: Ministerio di Hustisia.

---

3. Relashoná ku e karta den konsepto titulá “Heronderhandelen verdeelsleutel LTP” ku a keda presentá pa Minister di Hustisia riba 13 di mart 2023, Kosneho di Minister ta aprobá e siguiente puntonan:

1. 1. Di akuerdo ku kontenido di e karta den konsepto titulá “Heronderhandelen verdeelsleutel LTP”;
   2. Di akuerdo pa pidi miembro di Presidium di pais Kòrsou pa manda e karta pa Presidium di Wardakosta i, si resultá nesesario, sòru pa esaki sigur bini dilanti komo punto di agènda durante di e reunion di Presidium planiá pa tuma lugá na yüni 2023.

Esaki konforme e petishon di Minister di Hustisia di dia 13 di mart 2023. Na Minister di Hustisia pa sigui kordiná e trayekto di preparashon.

Ministerio(nan) responsabel: Ministerio di Hustisia.

---

4. Konseho di Minister ta bai di akuerdo pa presentá na Direktorado di Lei i Kasonan Hurídiko e konsepto di lei temporal tokante saniamentu di entradanan di belasten, pa por haña konseho urgente riba dje.

Esaki konforme petishon di Minister di Finansa di dia 13 di mart 2023 i tumando na konsiderashon konseho di Direktor di Sektor di Maneho Finansiero i Maneho di Presupuesto di dia 9 di mart 2023.

Ministerio(nan) responsabel: Ministerio di Finansa.

---

5. Konseho di Minister ta bai di akuerdo pa dokumentá e desishon ku ya a keda tumá riba 23 di febrüari 2023 pa outorisá Minister di Enseñansa, Siensia, Kultura i Deporte pa – na nòmber di Kòrsou komo persona hurídiko públiko – firma un akuerdo di entendimentu (MoU) ku Universidad de Los Andes di Colombia.

Ministerio(nan) responsabel: Ministerio di Enseñansa, Siensia, Kultura i Deporte.

---

6. Konseho di Minister ta bai di akuerdo pa dokumentá e desishon ku ya a keda tumá riba 23 di febrüari 2023 pa outorisá Minister di Enseñansa, Siensia, Kultura i Deporte pa – na nòmber di Kòrsou komo persona hurídiko públiko – firma un akuerdo di entendimentu (MoU) ku Universidad Externado di Colombia.

Ministerio(nan) responsabel: Ministerio di Enseñansa, Siensia, Kultura i Deporte.

---

7. Konseho di Minister ta bai di akuerdo pa dokumentá e desishon ku ya a keda tumá riba 23 di febrüari 2023 pa outorisá Minister di Enseñansa, Siensia, Kultura i Deporte pa – na nòmber di Kòrsou komo persona hurídiko públiko – firma un akuerdo di entendimentu (MoU) ku Universidad Iberoamérica (UNIBE) di Costa Rica.

Ministerio(nan) responsabel: Ministerio di Enseñansa, Siensia, Kultura i Deporte.

---

8. Konseho di Minister ta bai di akuerdo pa dokumentá e desishon ku ya a keda tumá riba 23 di febrüari 2023 pa outorisá Minister di Enseñansa, Siensia, Kultura i Deporte pa – na nòmber di Kòrsou komo persona hurídiko públiko – firma un akuerdo di entendimentu (MoU) ku Universidad Latina (ULATINA) di Costa Rica.

Ministerio(nan) responsabel: Ministerio di Enseñansa, Siensia, Kultura i Deporte.

---

9. Konseho di Minister ta bai di akuerdo pa dokumentá e desishon ku ya a keda tumá riba 23 di febrüari 2023 pa outorisá Minister di Enseñansa, Siensia, Kultura i Deporte pa – na nòmber di Kòrsou komo persona hurídiko públiko – firma un akuerdo di entendimentu (MoU) ku University of Central Florida (UCF).

Ministerio(nan) responsabel: Ministerio di Enseñansa, Siensia, Kultura i Deporte.

---

10. Konseho di Minister ta bai di akuerdo pa ratifiká e desishon ku a tuma riba 3 di mart 2023 pa mediante e dekreto nashonal no. 23/507 outorisá Minister di Maneho di Gobernashon, Planifikashon i Servisio Públiko, di forma ku e por firma e konvenio tokante kambio den e “Bezoldigingsregeling onderwijspersoneel Curaçao 2008” na nòmber di Kòrsou komo persona hurídiko públiko.

Ministerio(nan) responsabel: Ministerio di Maneho di Gobernashon, Planifikashon i Servisio Públiko.

---

11. Konseho di Minister ta di akuerdo ku e proposishonnan pa nombra kolaboradónan di Ofisina pa Bienestar di Mucha (Voogdijraad), Fundashon Yudansa pa Víktima (Stichting Slachtofferhulp Curaçao), “Stichting Ambulante Justitiële Jeugdzorg Curaçao” (AJJC) i “Stichting Gezinsvoogdij” den e “Uitvoeringsorganisatie Justitiële Zorg” nobo manera indiká den e lista athunto di kolaboradónan.

Esaki konforme petishon di Minister di Maneho di Gobernashon, Planifikashon i Servisio Públiko di dia 14 di mart 2023 i konseho di Direktor di Rekurso Humano i Organisashon di dia 13 di mart 2023.

Ministerio(nan) responsabel: Ministerio di Maneho di Gobernashon, Planifikashon i Servisio Públiko.

---

12. En konekshon ku e desishon ku a tuma promé di mart 2023, Konseho di Minister ta bai di akuerdo pa enkargá KPMG Advisory ku ehekushon di un “kostprijs – en doelmatigheidsonderzoek” pa Curaçao Medical Center (CMC) i Antillean Adventist Hospital (AAH).

Esaki konforme konseho di Direktor di Sektor di Maneho Finansiero i Maneho di Presupuesto di dia 8 di mart 2023 i tumando na konsiderashon petishon di Minister di Salubridat Públiko, Medio Ambiente i Naturalesa di dia 14 di mart 2023.

Ministerio(nan) responsabel: Ministerio di Finansa i Ministerio di Salubridat Públiko, Medio Ambiente i Naturalesa.

---

13. Relashoná ku konseho di Direktor di Sektor di Maneho Finansiero i Maneho di Presupuesto di dia 14 di mart 2023, pa loke ta trata petishon di Ministerio di Finansa tokante kambio den presupuesto asina ku por paga Curaçao Medical Center (CMC) e promé transh di e forskòt pa por kubri gastunan médiko di personanan no sigurá/indokumentá di 2019 pa 2022, Konseho di Minister ta aprobá e siguiente puntonan:

• 1. Di akuerdo ku e petishon di Ministerio di Salubridat Públiko, Medio Ambiente i Naturalesa pa un kambio den presupuesto, aplikando artíkulo 47, insiso tres, di e “Landsverordening comptabiliteit 2010”, asina ku por paga CMC e promé transh di e forskòt pa por kubri gastunan médiko di personanan no sigurá/indokumentá di 2019 pa 2022;
  2. Pa Gobièrnu stipulá un maneho pa por yega na solushonnan struktural pa loke ta trata e forma ku ta duna kuido na personanan no sigurá/indokumentá (zorgplicht);
  3. Pa Gobièrnu sòru ku ta kumpli ku tur palabrashon entre pais Kòrsou i CMC indiká den e “Bestuurlijk Hoofdlijnenakkoord Sanering CMC-Entiteiten” di dia 19 di òktober 2022, kon tal ku:
     1. ta yega na un areglo pa finansiamentu i di pago relashoná ku gastunan mará na personanan no sigurá/indokumentá, inkluso medidanan pa den futuro redusí e gastunan akí;
     2. Minister di Hustisia, den konsulta ku Minister di Finansa i Minister di Salubridat Públiko, Medio Ambiente i Naturalesa, ta sòru pa haña konseho riba kon paga e gastunan di pashètnan indokumentá i no sigurá (tantu pa loke ta trata servisio di hòspital komo esun di ambulans);
     3. Pa a traves di Minister di Salubridat Públiko, Medio Ambiente i Naturalesa hasi un petishon na ‘Taskforce Hervorming Marktordening en Financiering Zorgsector 2022’ pa den e rapòrt ku ta den preparashon inkorporá un areglo struktural tokante kon kubri gastunan médiko (e.o. gastunan di kuido i ambulans) di personanan indokumentá i no sigurá;
  4. Pa hasi un petishon na Direktorado di Lei i Kasonan Hurídiko pa investigá si di bèrdat Kòrsou komo pais tin e deber di ofresé kuido médiko (zorgplicht) na spesífikamente e grupo di personanan no sigurá/indokumentá. Si esaki ta e kaso, Direktorado di Lei i Kasonan Hurídiko mester sigui investigá si akaso ta posibel pa anulá e ‘zorgplicht’ akí;
  5. Pa aprobá kontenido di e akuerdo den konsepto entre Kòrsou (komo persona hurídiko públiko) i CMC, relashoná ku e forskòt na CMC den forma di transh. Esaki den kuadro di e “Bestuurlijk Hoofdlijnenakkoord Sanering CMC-Entiteiten”;
  6. Pa outorisá Minister di Salubridat Públiko, Medio Ambiente i Naturalesa pa – na nòmber di Kòrsou komo persona hurídiko públiko – firma e akuerdo den konsepto ku CMC.

Esaki konforme konseho di Direktor di Sektor di Maneho Finansiero i Maneho di Presupuesto di dia 14 di mart 2023 i petishon di Minister di Salubridat Públiko, Medio Ambiente i Naturalesa di dia 15 di mart 2023.

Ministerio(nan) responsabel: Ministerio di Finansa i Ministerio di Salubridat Públiko, Medio Ambiente i Naturalesa.