Desishonnan di djárason 15 di yüli 2026

Desishonnan relashoná spesífikamente ku asuntunan di pais riba nivel nashonal di djárason, 15 di yüli 2026:

1. Promé reportahe di sektor kolektivo di Kòrsou 2024 (Ministerio di Maneho di Gobernashon, Planifikashon i Servisio Públiko)
   
   Konseho di Minister a tuma nota di un karta di direktor di ‘Centraal Bureau voor de  Statistiek (CBS)’ ku e tema ‘Eerste rapportage collectieve sector van Curaçao 2024’.

   2. Petishon pa ayudo pa ‘Justitiele Jeugdinrichting Curaçao (JJIC)’(Ministerio di Hustisia)

   Konseho di Minister a aprobá un desishon ya tumá ‘op stuk’ tokante establesimentu di un kolaborashon temporal entre Justitiële Jeugdinrichting Curaçao (JJIC) i un institushon similar na Repúblika di Sürnam, dirigí riba interkambio di konosementu i fortifikashon di kapasidat di ámbos institushon.

   3. Konsepto di Dekreto Nashonal di Aviashon 2023 (Ministerio di Tráfiko, Transporte i Planifikashon Urbano)
   
   Konseho di Minister a bai di akuerdo ku e kontenido i entrega di e rapòrt tokante e konsepto di Dekreto Nashonal di Aviashon 2023 na Gobernador, i ku e kontenido i entrega di e konsepto di Dekreto Nashonal di Aviashon 2023 via Gobernador na Staten pa tratamentu.

   4. Plan di akshon ‘Psychosociale Schoolveiligheidsplan’ pa tur skol na Kòrsou (Ministerio di Enseñansa, Siensia, Kultura i Deporte)

   Konseho di Minister a aprobá e adopshon di un plan di akshon‘ Psychosociale Schoolveiligheidsplan’ pa tur skol na Kòrsou. Minister di Enseñansa, Siensia, Kultura i Deporte (ESKD) ta responsabel pa e implementashon, koordinashon, i maneho atministrativo di e proyekto, inkluyendo demas koordinashon ku ‘Nationale Hervormingscommisie Curaçao’ (NHC), TWO, i e partnernan di implementashon enbolbí. Minister di ESKD lo pasa e plan di akshon pa Sekretario di Estado pa Asuntunan Interior i Relashonnan den Reino i TWO pa prosesamentu den kuadro di e Pakete di Pais Kòrsou (‘Landspakket Curaçao’).

MAS NOTISIA