Desishonnan di djárason 16 di novèmber 2022

Desishonnan relashoná spesífikamente ku asuntunan di pais riba nivel nashonal di djárason, 16 di novèmber 2022:

1. Konseho di Minister ta bai di akuerdo ku e dekreto nashonal den konsepto presentá pa Minister di Asuntunan General pa instalá e “Commissie Koninklijk Bezoek 2023” enkargá ku organisashon i kordinashon di e Bishita Real den promé kuartal di 2023.  Konseho di Minister alabes ta bai di akuerdo pa presentá e dekreto nashonal den konsepto na Gobernador pa firmá.

Ministerio(nan) responsabel: Ministerio di Asuntunan General.

---

2. Konseho di Minister a tuma nota di e petishon ku a drenta via di Minister di Asuntunan General riba 9 di novèmber 2022, kaminda Minister di Infrastruktura i Maneho di Awa ta pidi pa por organisá na Kòrsou un konferensha tokante adaptashon di klima IPDC i maneho di awa.

Ministerio(nan) responsabel: Ministerio di Asuntunan General.

---

3. Relashoná ku e petishon di Minister di Enseñansa, Siensia, Kultura i Deporte (6 di ougùstùs 2022) tokante e akuerdo entre pais i Fundashon Desaroyo Deportivo Kòrsou (SDDK) pa maneho di algun kampo i edifisio di deporte, Konseho di Minister ta bai di akuerdo ku e siguiente puntonan:

1. 1. Kontenido di e akuerdo di maneho den konsepto entre Kòrsou (komo persona hurídiko públiko) i FDDK;
   2. Outorisashon di Minister di Enseñansa, Siensia, Kultura i Deporte pa huntu ku Minister di Tráfiko, Transporte i Planifikashon Urbano – na nòmber di Kòrsou komo persona hurídiko públiko – firma e akuerdo di maneho den konsepto;
   3. Presentá e dekreto nashonal den konsepto na Gobernador pa firma.

Esaki konforme petishon di Minister di Enseñansa, Siensia, Kultura i Deporte riba 6 di ougùstùs 2022 i konseho di Direktor di Sektor di Kultura i Deporte riba 6 di òktober 2022.  

Ministerio(nan) responsabel: Ministerio di Enseñansa, Siensia, Kultura i Deporte.

---

4. Relashoná ku konseho di Direktor di “Stichting Bureau Toezicht en Normering Overheidsdiensten” (SBTNO) riba 12 di òktober 2022 tokante e estatutonan den konsepto i deskripshon di profil di Fundashon Sentro Por Arte, Konseho di Minister ta bai di akuerdo ku e siguiente puntonan:

• 1. Kontenido (adaptashonnan) di e estatutonan den konsepto, kon tal ku Minister di Enseñansa, Siensia, Kultura i Deporte ta pèrkurá pa direktiva di e fundashon ta bai konsistí di 5 hende di forma ku por adaptá e estatutonan;
  2. Determiná profil di e Direktor statutario den konsepto;
  3. Determiná reglamentu di maneho i reglamentu pa e komisariado di e fundashon;
  4. Determiná profil di e miembronan di e komisariado den konsepto, kon tal ku:
     • Ku e manera di pensa i traha riba nivel di HBO ta un eksigensia pa e profilnan dirigí riba e profeshonalnan artístiko, di Merkadeo, Media Sosial i Media Nobo, Komunikashon i Sosial-Kultural;
     • Pa e profilnan menshoná akí no ta inkluí den nan deskripshon e kriteria ku “mester tin eksperensia den un funshon di supervishon òf un funshon similar den direktiva”. 

Esaki konforme petishon di Minister di Enseñansa, Siensia, Kultura i Deporte riba 7 di novèmber 2022, tumando na konsiderashon konseho di e konsehero Corporate Governance (SBTNO) di dia 12 di òktober 2022. 

Ministerio(nan) responsabel: Ministerio di Enseñansa, Siensia, Kultura i Deporte.

---

5. Konseho di Minister ta bai di akuerdo ku kontenido di e dekreto nashonal “dwangsommen en bestuurlijke boetes dienstverleners 2022” ku ta den konsepto i entrega di esaki huntu ku un nota di splikashon na Gobernador. Esaki konforme konseho di Direktor di Lei i Kasonan Hurídiko di dia 21 di òktober 2022 i proposishon di Minister di Hustisia di dia 31 di òktober 2022.  

Ministerio(nan) responsabel: Ministerio di Hustisia.

---

6. Relashoná ku e petishon di Minister di Enseñansa, Siensia, Kultura i Deporte di dia 5 di sèptèmber 2022 tokante e akuerdo di maneho entre pais i Fundashon Brievengat pa Brievengat, Konseho di Minister ta bai di akuerdo ku e siguiente puntonan:

1. 1. Kontenido di e akuerdo di maneho den konsepto entre Kòrsou (komo persona hurídiko públiko) i Fundashon Brievengat pa Brievengat;
   2. Outorisashon di Minister di Enseñansa, Siensia, Kultura i Deporte pa huntu ku Minister di Tráfiko, Transporte i Planifikashon Urbano – na nòmber di Kòrsou komo persona hurídiko públiko – firma e akuerdo di maneho den konsepto;
   3. Presentá e dekreto nashonal den konsepto na Gobernador pa firma.

Ministerio(nan) responsabel: Ministerio di Enseñansa, Siensia, Kultura i Deporte.

---

7. Konseho di Minister ta bai di akuerdo ku petishon di Servisio di Skolnan Públiko di Ministerio di Enseñansa, Siensia, Kultura i Deporte riba 11 di òktober 2022, pa haña outorisashon relashoná ku hürmentu di e edifisio di RK MTS pa aña eskolar 2020-2021. Esaki kon tal ku – a base di e ‘Landsverordening Materieel Ambtenarenrecht (LMA) – e Minister di Enseñansa, Siensia, Kultura i Deporte ta papia ku e ámtenarnan responsabel den e kaso akí, aplikando artíkulo 10 di e ‘Landsverordening financieel beheer’ i konforme konseho di Direktor di Sektor di Maneho Finansiero i Maneho di Presupuesto riba 11 di òktober 2022. 

Ministerio(nan) responsabel: Ministerio di Enseñansa, Siensia, Kultura i Deporte.

---

8. Konseho di Minister ta bai di akuerdo ku petishon di Ministerio di Enseñansa, Siensia, Kultura i Deporte riba 11 di òktober 2022, pa haña outorisashon pa ku pago di e aktividatnan den kuadro di “Dia di Outonomia 10-10-2022”. Esaki kon tal ku – a base di e ‘Landsverordening Materieel Ambtenarenrecht (LMA) – e Minister di Enseñansa, Siensia, Kultura i Deporte ta papia ku e ámtenarnan responsabel den e kaso akí, aplikando artíkulo 10 di e ‘Landsverordening financieel beheer’ i konforme konseho di Direktor di Sektor di Maneho Finansiero i Maneho di Presupuesto riba 11 di òktober 2022. 

Ministerio(nan) responsabel: Ministerio di Enseñansa, Siensia, Kultura i Deporte.