Desishonnan di djárason 16 di ougùstùs 2023

Desishonnan relashoná spesífikamente ku asuntunan di pais riba nivel nashonal di djárason, 16 di ougùstùs 2023:

1. Proposishon di dia 3 di ougùstùs 2023 pa un akuerdo entre Kòrsou i Fundashon Kompleho Deportivo Pichingolo pa maneho, mantenshon i uso di un tereno na Buena Vista pa deporte i rekreashon (Minister di Enseñansa, Siensia, Kultura i Deporte)

Konseho di Minister ta di akuerdo ku e siguiente puntonan:

• Plan pa manehá un tereno na Buena Vista pa deporte i rekreashon. E plan akí ta entre Gobièrnu di Kòrsou i Fundashon Kompleho Deportivo Pichingolo;
• Minister di Enseñansa, Siensia, Kultura i Deporte ta haña outorisashon pa firma e akuerdo na nòmber di Gobièrnu di Kòrsou.

Esaki ta konforme proposishon di Minister di Enseñansa, Siensia, Kultura i Deporte di dia 3 di ougùstùs 2023. Konseho di Minister ta di akuerdo tambe pa presentá e plan na Gobernador pa aprobashon.

2. Plan di dia 3 di ougùstùs 2023 pa un akuerdo entre Kòrsou i Fundashon Pro Bario Jandoret pa maneho, mantenshon i uso di un tereno na Klein St. Michiel pa deporte i rekreashon (Minister di Enseñansa, Siensia, Kultura i Deporte)

Konseho di Minister ta di akuerdo ku e siguiente puntonan:

• Plan pa manehá un tereno na Klein St. Michiel pa deporte i rekreashon. E plan akí ta entre Gobièrnu di Kòrsou i Fundashon Pro Bario Jandoret;
• Minister di Enseñansa, Siensia, Kultura i Deporte ta haña outorisashon pa firma e akuerdo na nòmber di Gobièrnu di Kòrsou.

Esaki ta konforme proposishon di Minister di Enseñansa, Siensia, Kultura i Deporte di dia 3 di ougùstùs 2023. Konseho di Minister ta di akuerdo tambe pa presentá e plan na Gobernador pa aprobashon.

MAS NOTISIA