Publiká riba 19 Yanüari 2024
Desishonnan relashoná spesífikamente ku asuntunan di pais riba nivel nashonal di djárason, 17 di yanüari 2024:
1. Petishon pa aprobashon di un akuerdo di kolaborashon ku Sürnam riba diferente tereno (Minister di desaroyo ekonómiko)
Konseho di minister a disidí ku minister di Desaroyo ekonómiko ta risibí pèrmit pa na nòmber di Kòrsou firma un akuerdo importante ku Sürnam. E akuerdo aki ta bai tokante di kolaborashon riba diferente tereno importante manera ekonomia, turismo i tambe di sòru pa sufisiente alimento. E meta ta pa tur dos pais yuda otro den kresementu i hasi otro mas fuerte. E desishon aki ta sigui un petishon anterior di 5 di yanüari 2024. Tambe a duna pèrmit pa manda e ‘landsbesluit’ konseptual na Gobernadó pa firma.
2. Petishon pa karta konseptual tokante di disputa pa un montante krédito (escrow-tegoeden) restante di UTS. (Minister di Tráfiko, transporte i Planifikashon Urbano)
Konseho di minister ta bai di akuerdo ku kontenido di un karta formulá pa e kantor di abogado Muray Attorneys at Law. A manda e karta, fechá 21 di desèmber 2023, na nòmber di Kòrsou pa kantor di abogado van Eps, ku ta representá Cable & Wireless Curaçao Holding B.V. Ta trata di un diferensia di opinion tokante un montante ku ainda ta pará riba un kuenta spesial (escrow) di UTS
3. Petishon pa aprobashon di un akuerdo konseptual pa desaroyo urbano di Koraal Tabak (Minister di Tráfiko, transporte i Planifikashon Urbano)
Konseho di minister a bai di akuerdo ku e siguiente puntonan:
E desishon aki ta tumá despues di a risibí un petishon di Direktor di infrastruktura i Planifikashon Urbano riba 12 di desèmber i ta basá riba konseho hurídiko di dia 13 di desèmber 2023. Tambe a bai di akuerdo pa manda e ‘ontwerp-landsbesluit’ pa Gobernadó pa firma.
4. Petishon pa aprobashon di un ‘ontwerp landsverordening’ tokante kalidat di airu di Kòrsou (Minister di Salubridat, Medio Ambiente i Naturalesa).
Konseho di Minister a disidí pa sostené reglanan nobo proponé riba 10 yanüari 2024 pa loke ta trata airu limpi na Kòrsou. E proposishonnan aki ta na kaminda pa Gobernadó i lo keda proponé na Staten pa deliberashon. E desishon aki ta tumá despues di risibí rekomendashonnan di Direktor di Sektor di Agrikultura, Medio Ambiente i Naturalesa riba 9 di yanüari 2024 i un petishon ku a sigui di Minister di Salubridat, Medio Ambiente i Naturalesa.
5. Konseho tokante adaptashon di e Legislashon pa reglamentu di traspaso general pa Kòrsou (Algemene overgansregeling wetgeving Curaçao) (Minister di asuntunan general)
Konseho di Minister a bai di akuerdo ku sugerensia pa adaptashon na reglanan ku ta trata kon pa hasi traspaso di leinan i gobernashon di Kòrsou. A manda e proposishonnan aki pa Gobernadó i despues pa Konseho di Konsulta (Raad van Advies). E desishon aki ta basá riba rekomendashon hasí pa Direktor di Legislashon i Asuntunan Hurídiko riba 16 òktober 2023.
6. Konseho tokante di instrukshon konseptual pa Minister Plenipotensiario pa Konseho di Minister di Reino tokante tratado konstituyente di e Caribisch Noodhulp Agentschap (Minister di Asuntunan General)
Konseho di Minister a bai di akuerdo ku e proposishon pa presentá na Eerste i Tweede Kamer di Parlamento Hulandes i tambe Parlamento di Sint Maarten e rapòrt detayá, inkluso Tratado i dokumentonan splikativo pa aprobashon implísito. E desishon aki ta tumá a base di e konseho di Direktor di e Direktorado di Relashonnan Eksterior (DBB), publiká riba 3 di yanüari 2024. E responsabilidat awor ta den man di Minister Plenipotensiario pa komuniká e posishon aki di Konseho di Minister durante di e reunion di Konseho di Minister di Reino riba 19 di yanüari 2024.
7. Presentashon di instrukshon konseptual pa Minister Plenipotensiario tokante nombramentu di dos embahador. (Minister di asuntunan General)
Konseho di minister a disidí ku Minister Plenipotensiario durante di Konseho di Minister di Reino riba 19 di yanüari 2024 ta bai di akuerdo ku nombramentu di dos embahador nobo. Esaki ta nifiká ku:
E desishon aki ta basá riba konseho di Direktor di Direktorado pa Relashonnan Eksterior, duná riba 3 di yanüari 2024.
8. Proposishon pa duna konseshon na C-Post Internatonal N.V. (Minister di Tráfiko, Transporte i Planifikashon Urbano)
Konseho di Minister ta bai di akuerdo pa duna un konseshon na C-Post International N.V, segun artíkulo 2, promé insiso, di ‘Postlandsverordening 1998’. E konseshon, ku ta drenta na vigor riba 1 di yanüari 2023 i tin un durashon di 20 aña ta basá riba un proposishon di Minister di Tráfiko, Transporte i Planifikashon Urbano (VVRP), fechá 10 di yanüari 2023. Komo kontinuashon riba esaki a bai di akuerdo pa presentá e ‘conceptlandsbesluit’ na Gobernadó pa firma.
9. Petishon pa loke ta trata e akuerdo di ehekushon konseptual ‘MiNEGOSHI Shared and Support Services 2024-2026’ huntu ku Stichting Beheer MKB Fondsen (Minister di desaroyo ekonómiko)
Konseho di Minister ta bai di akuerdo ku e siguiente puntonan:
E desishon aki ta tumá a base di e proposishon di Minister di Desaroyo Ekonómiko di 10 di yanüari 2024. Banda di esei lo presentá e ‘conceptlandsbesluit’ korespondiente na Gobernadó pa firma ofisialmente.
10. Konseho tokante petishon di EZ Air B.V. pa un pèrmit ekonómiko di aviashon. (Minister di Tráfiko, Transporte i Planifikashon Urbano)
Konforme e konseho di 9 di yanüari 2024 di Direktor General di Outoridat di aviashon sivil di Kòrsou i e petishon riba 11 di yanüari hasí pa Minister di Tráfiko, Transporte i Planifikashon Urbano, a bai di akuerdo pa otorgá EZ Air B.V. un pèrmit. E pèrmit aki konsedé e kompania pa ehekutá transporte aéreo regular di pasaheronan, merkansia i pòst. E rutanan ta enserá buelonan ida i buèlta for di Kòrsou pa Boneiru, meskos ku otro destinashonnan den Karibe i kostanan serkano ku Kòrsou komo punto final definitivo
11. Konseho tokante instrukshon pa adaptashon di lei di pasport i separashon karchi di identifikashon hulandes. (Minister di asuntunan general)
Konseho di Minister a bai di akuerdo ku e instrukshon konseptual pa Minister Plenipotensiario pa e reunion di Konseho di Minister di Reino riba 19 di yanüari 2024. E instrukshon aki ta enserá e petishon pa aprobá un adaptashon di e Lei di Pasport (Paspoortwet), ku ta nesesario pa motibu di adaptashonnan na e Karchi di Identidat Hulandes (NIK). Lo presentá e proposishon aki despues di aprobashon na Konseho di Estado di Reino pa konseho, ku komo nota marginal ku ainda mester risibí un konseho for di Konseho di Konsulta (Raad van Advies). Banda di esei a yega na un akuerdo pa e proposishon di lei konforme ku artíkulo 64, insiso dos, parti c na Konseho di Konsulta (Raad van Advies) pa un konseho.
E desishon aki ta tumá a base di e konseho duná riba 11 yanüari 2024 pa Direktor di Legislashon i Asuntunan Hurídiko (WZJ).
