Desishonnan di djárason 2 di novèmber 2022

Desishonnan relashoná spesífikamente ku asuntunan di pais riba nivel nashonal di djárason, 2 di novèmber 2022:

1. Relashoná ku fleksibilisashon di previo supervishon di Minister di Finansa, Konseho di Minister ta bai di akuerdo ku e siguiente puntonan:

1. 1. Por lo pronto ta bai mantené previo supervishon di e Minister di Finansa. Den e kaso akí ta bai oumentá e suma ku mester paga pa e previo supervishon pa por yega na fleksibilisashon di esaki;
   2. Direktor Sektor di Maneho Finansiero i Maneho di Presupuesto ta haña outoridat pa, na nòmber di Minister di Finansa, duna pèrmit pa oumentá tur suma;
   3. Despues ku Ministerio di Finansa a hasi un evaluashon basá riba sifranan pa ku ehekushon di presupuesto pa e promé tres (3) lunanan di 2023 i violashon di legislashon i regulashon, lo duna konseho di nobo tokante posibel kambionan. 

Ministerio(nan) responsabel: Ministerio di Finansa.

2. Konseho di Minister ta bai di akuerdo ku petishon di Ministerio di Finansa pa haña outorisashon den kuadro di e infrastruktura virtual brindá pa Dataplanet MTS/MCS, kon tal ku a base di e ‘Landsverordening Materieel Ambtenarenrecht (LMA) e Minister di Finansa ta papia ku e ámtenarnan responsabel den e kaso akí. Esaki a base di artíkulo 10 di e ‘Landsverordening financieel beheer’ apliká pa Inspekshon di Impuesto.

Ministerio(nan) responsabel: Ministerio di Finansa.

3. Konseho di Minister ta bai di akuerdo ku petishon di Ministerio di Finansa pa haña outorisashon den kuadro di e teknologia konosí komo “VMware Horizon Solution 2022” brindá pa Dataplanet MTS/MCS, kon tal ku a base di e ‘Landsverordening Materieel Ambtenarenrecht (LMA) e Minister di Finansa ta papia ku e ámtenarnan responsabel den e kaso akí. Esaki a base di artíkulo 10 di e ‘Landsverordening financieel beheer’ apliká pa Inspekshon di Impuesto.

Ministerio(nan) responsabel: Ministerio di Finansa. 

MAS NOTISIA