Publiká riba 21 Mei 2026
Desishonnan relashoná spesífikamente ku asuntunan di pais riba nivel nashonal di djárason, 20 di mei 2026:
1. Grupo di trabou sentral pa digitalisashon (Ministerio pa Maneho di Gobernashon, Planifikashon i Servisio Públiko)
Konseho di Minister a aprobá pa instalá un grupo di trabou sentral pa digitalisashon. E grupo di trabou lo tin komo tarea pa evaluá proposishon, proyekto i asuntunan relashoná ku IT riba nan kumplimentu ku e prinsipionan di e ‘inrichtingsplan’ pa e Direktorado di Informashon i Digitalisashon. Ta entregá konsepto di e dekreto nashonal na Gobernador pa firma.
2. Plan di akshon pa Kurso di aplikashon i ‘Minor’ den Enseñansa Spesial di Fundeshi (Ministerio di Edukashon, Siensia, Kultura i Deporte)
Konseho di Minister a aprobá e plan di akshon pa Kurso di Aplikashon i ‘Minor’ den Enseñansa Spesial di Fundeshi (SFO), i tambe implementashon di esaki den e periodo di aprel 2026 te ku desèmber 2026. Lo manda e plan di akshon pa Sekretario di Estado pa Asuntunan Interno i Relashonnan den Reino, i tambe presidente di e Komishon Nashonal di Reforma pa koordinashon di e trayekto ku lo sigui.
3. Modifikashon di dekretonan nashonal tokante pagonan di kastigu i butnan atministrativo (Ministerio di Finansa)
Konseho di Minister a aprobá modifikashon di e Dekreto Nashonalpa pagonan di kastigu i butnan atministrativo pa dunadónan di servisio 2022, i e Dekreto Nashonalriba pagonan di kastigu i butnan atministrativo pa raportá transakshonnan inusual 2021. E konsepto modifiká di e dekretonan nashonal ta keda entregá na Gobernador pa firma.
4. Mitar dia liber en konekshon ku aktividat di ‘teambuilding’ “Blue Nation Government Football Tournament”. (Ministerio pa Maneho di Gobernashon, Planifikashon i Servisio Públiko)
Konseho di Minister a bai di akuerdo ku un sirkulario di Minister pa Maneho di Gobernashon, Planifikashon i Servisio Públiko pa duna empleadonan públiko mitar dia liber riba djabièrnè, 5 di yüni 2026, for di 12:00 di mèrdia, te kaminda e servisio ta permití. Esaki en konekshon ku e aktividat di ‘teambuilding’ “Blue Nation Government Football Tournament”.
