Publiká riba 22 Ougùstùs 2025
Desishonnan relashoná spesífikamente ku asuntunan di pais riba nivel nashonal di djárason, 20 di ougùstùs 2025:
1. Kompra di dos trùk di shushi pa GMN (Ministerio di Salubridat, Medio Ambiente i Naturalesa)
Konseho di Minister a aprobá un adaptashon di presupuesto pa kumpra dos trùk chikí di shushi pa Ministerio di Salubridat, Medio Ambiente i Naturalesa (GMN).
2. Kòrsou ta djòin e Tratado di IAO pa un ambiente di trabou sigur i saludabel (Ministerio di Desaroyo Sosial, Labor i Bienestar)
Konseho di Minister a aprobá partisipashon di Kòrsou den e Tratado di IAO No. 191. E tratado akí ta rekonosé un ambiente di trabou sigur i saludabel komo un derecho laboral fundamental.
3. Presupuesto adishonal pa mantenshon di skolnan di DOS (Ministerio di Enseñansa, Siensia, Kultura i Deporte)
Konseho di Minister a aprobá un adaptashon di presupuesto pa kubri e défisit den gastunan di mantenshon pa e Skolnan di Servisio Públiko (DOS).
