Publiká riba 22 Sèptèmber 2023
Desishonnan relashoná spesífikamente ku asuntunan di pais riba nivel nashonal di djárason, 20 di sèptèmber 2023:
1. Entrega di karta di e ‘Kwartiermaker’ Cyber riba 8 di sèptèmber 2023 tokante di e ‘Roadmap voor de oprichting van een Nationale Cyber Task Force’ (Minister di Tráfiko, Transporte i Planifikashon Urbano)
E dokumento ku e nòmber ‘Roadmap voor de oprichting van een Nationale Cyber Task Force’ proponé pa Minister di Tráfiko, Transporte i Planifikashon Urbano (VVRP). A keda aprobá pa notifikashon. Lo traspasá esaki pa minister di VVRP, via di ‘Kwartiermaker’ Cyber, pa sigui ku sobrá proseso di koordinashon.
2. Entrega di rapòrt tresé pa Stichting Overheidsaccountantsbureau (SOAB) riba 14 di sèptèmber 2023 titulá ‘Rapport over feitelijke bevindingen: Personeelsmutaties in Land Curaçao van januari tot december 2021’ (Ministerio di Maneho di Gobernashon, Planifikashon i Servisio Públiko)
Konseho di Minister a tuma nota di e rapòrt titulá ‘Rapport over feitelijk bevindingen: Personeelsmutatie in Land Curaçao van januari tot december 2021’, entregá pa Minister di Maneho di Gobernashon, Planifikashon i Servisio Públiko (BPD) riba 27 di òktober 2022.
3. Entrega di rapòrt di Stichting Overheidsaccountantsbureau (SOAB) riba 14 di sèptèmber 2023 titulá ‘Rapport over feitelijke bevindingen: Personeelsmutaties in Land Curaçao van januari tot december 2020’ (Ministerio di Maneho di Gobernashon, Planifikashon i Servisio Públiko)
Konseho di Minister a tuma nota di e rapòrt titulá ‘Rapport over feitelijk bevindingen: Personeelsmutatie in Land Curaçao van januari tot december 2020’, entregá pa Minister di Maneho di Gobernashon, Planifikashon i Servisio Públiko (BPD) riba 11 di mart 2022.
4. Entrega di rapòrt tresé pa Stichting Overheidsaccountantsbureau (SOAB) riba 14 di sèptèmber 2023 titulá ‘Rapport over feitelijke bevindingen: Personeelsmutaties in Land Curaçao van januari tot december 2019’ (Ministerio Maneho di Gobernashon, Planifikashon i Servisio Públiko)
Konseho di Minister a tuma nota di e rapòrt titulá ‘ Rapport over feitelijk bevindingen: Personeelsmutatie in Land Curaçao van januari tot december 2019’, entregá pa Minister di Maneho di Gobernashon, Planifikashon i Servisio Públiko (BPD) riba 11 di mart 2022.
5. Entrega di rapòrt tokante desaroyo di personal di novèmber 2019, riba 14 di sèptèmber 2023, formulá pa direktor di “Beleidsorganisatie Human Resources en Organisatie” (HRO) (Ministerio di Maneho di Gobernashon, Planifikashon i Servisio Públiko)
Konseho di Minister a tuma nota di e karta fechá 16 di yüni 2020 i skirbí pa Direktor “Beleidsorganisatie Human Resources en Organisatie” (HRO), titulá ‘Rapport over personeelsontwikkeling van november 2019’.
6. Karta tokante selebrashon Siman di SDG di 25 te ku 29 di sèptèmber 2023, datá 14 di sèptèmber 2023 (Minister di Asuntunan General)
Konseho di Minister a tuma nota di e karta di Minister di Asuntunan General entregá riba 14 sèptèmber 2023 tokante selebrashon Siman di SDG di 25 pa 29 di sèptèmber.
