Desishonnan di djárason 21 di desèmber 2022

Desishonnan relashoná spesífikamente ku asuntunan di pais riba nivel nashonal di djárason, 21 di desèmber 2022:

1. Relashoná ku proposishon di Minister di Salubridat, Medio Ambiente i Naturalesa di dia 16 di desèmber 2022 tokante e “apreciatie-rapport Nederlandse Zorgautoriteit” enkuanto Curaçao Medical Center (CMC), Konseho di Minister ta bai di akuerdo ku e siguiente puntonan:

1. Di akuerdo ku e konseho kolektivo ku fecha 31 di òktober 2022 di Sekretario General di Ministerio di Salubridat, Medio Ambiente i Naturalesa, Direktor di Banko di Seguro Sosial (SVB) i Direktor di Bureau Telecommunicatie en Post enkargá ku Outoridat di Kuido di Kòrsou tokante ‘appreciatie’ di e rekomendashonnan ku ta bini dilanti den e “Nederlandse Zorgautoriteit (NZ-a)-rapport” tokante Curaçao Medical Center (CMC);
2. Enkargá e tim di proyekto ‘Eksplotashon duradero di CMC’ pa krea un lista ku puntonan di akshon i tambe stipulá un liña di tempu pa kada un rekomendashon ku ta (parsialmente) akordá;
3. Pa e Komishon Nashonal di Reforma Kòrsou yega na un akuerdo ku TWO tokante e lista nobo ku puntonan di akshon i e plan di akshon “Verduurzaming Exploitatie CMC” di dia 24 di novèmber 2021 ku eventaulmente mester keda ahustá;
4. Enkargá e tim di proyekto ‘Eksplotashon duradero di CMC’ ku ehekushon di e rekomendashonnan konforme e lista ku puntonan di akshon i liña di tempu, kon tal ku ya tin un akuerdo ku TWO riba e puntonan di akshon adishonal.

Ministerio(nan) responsabel: Ministerio di Salubridat, Medio Ambiente i Naturalesa.

2. Konseho di Minister ta bai di akuerdo ku kontenido di e “Terms of Reference (TOR) Doelmatigheidsonderzoek Curaçao Medical Center en Antillean Adventist Hospital” ku ta den konsepto. Esaki konforme petishon di Minister di Salubridat, Medio Ambiente i Naturalesa di dia 16 di desèmber 2022.

Ministerio(nan) responsabel: Ministerio di Salubridat, Medio Ambiente i Naturalesa.

3. Konseho di Minister ta bai di akuerdo ku e siguiente konseptonan di lei:

1. 1. Ferval di artíkulo 54 di e “Landsverordening geldelijke voorzieningen ministers”;
   2. Ferval di artíkulo 46 di e “Landsverordening geldelijke voorzieningen leden en gewezen leden van de Staten”.

Kon tal ku entrante 1 di yüli 2023 por kuminsá otorgá ‘vakantiegeld’ ku ta 6% di e salario anual i tambe anulá redukshon di dianan di fakansi pa mandatarionan (miembronan di Parlamento i Ministernan).

Esaki konforme petishon di Minister di Finansa di dia 15 di desèmber 2022 i konseho di Direktor di Sektor di Maneho Finansiero i Maneho di Presupuesto di dia 14 di desèmber 2022. Konseho di Minister tambe ta bai di akuerdo pa presentá e konseptonan di lei na Gobernador pa firma.

Ministerio(nan) responsabel: Ministerio di Asuntunan General i Ministerio di Finansa.

4. Konseho di Minister ta bai di akuerdo ku kontenido i nifikashon di e konsepto di lei relashoná ku ehekushon di artíkulo 10 di e “Landsverordening inkorting arbeidsvoorwaarden 2020”, kual ta kontené ferval di diferente artíkulo di e “Landsverordening inkorting arbeidsvoorwaarden 2020”.

Kon tal ku e aña benidero por kuminsá otorgá ‘vakantiegeld’ ku ta 6% di e salario anual i tambe anulá redukshon di dianan di fakansi pa ámtenarnan i personanan ku funshonnan similar.

Esaki konforme proposishon di Minister di Finasa di dia 15 di desèmber 2022 i konseho di Direktor di Sektor di Maneho Finansiero i Maneho di Presupuesto di dia 14 di desèmber 2022. Konseho di Minister tambe ta bai di akuerdo pa presentá e konsepto di lei na Gobernador pa firma.

Ministerio(nan) responsabel: Ministerio di Asuntunan General i Ministerio di Finansa.

MAS NOTISIA