Publiká riba 28 Òktober 2022
Desishonnan relashoná spesífikamente ku asuntunan di pais riba nivel nashonal di djárason, 26 di òktober 2022:
1. Konseho di Minister a tuma nota di e lista di palabrashonnan di e Konsulta Interparlamentario den Reino (IPKO) ku a tuma lugá na sèptèmber 2022, entregá pa Minister di Asuntunan General riba 14 di òktober 2022.
Ministerio(nan) responsabel: Ministerio di Asuntunan General.
__________________________________________________________________________________________________________________________
2. Konseho di Minister a tuma nota di e karta ku fecha 29 di sèptèmber 2022 ku a keda entregá pa Minister di Asuntunan General riba 19 di òktober 2022, kaminda Minister di Asuntunan Eksterior a informá Presidente di Parlamento tokante di kambio di e Tratado relashoná ku e Organisashon Marítimo Internashonal di Londres, 8 di desèmber 2021.
Ministerio(nan) responsabel: Ministerio di Asuntunan General.
__________________________________________________________________________________________________________________________
3. Konseho di Minister ta bai di akuerdo pa outorisá Ministerio di Desaroyo Ekonómiko pa – a base di artíkulo 10 di e ‘Landsverordening financieel beheer’ – laga Profound Projects B.V. ofresé servisio profeshonal den forma di sostén tékniko i digital, maneho tékniko i ‘content management’ na e ministerio konserní, kon tal ku a base di e ‘Landsverordening Materieel Ambtenarenrecht (LMA) e Minister di Desaroyo Ekonómiko ta papia ku e ámtenarnan responsabel den e kaso akí.
Ministerio(nan) responsabel: Ministerio di Desaroyo Ekonómiko.
__________________________________________________________________________________________________________________________
4. Relashoná ku e akuerdo di ehekushon den konsepto entre pais i Curaçao Tourism Development Foundation (CTDF) pa loke ta trata e proyekto ‘Curaçao Entry portal’, Konseho di Minister ta bai di akuerdo ku e siguiente puntonan:
Ministerio(nan) responsabel: Ministerio di Desaroyo Ekonómiko.
__________________________________________________________________________________________________________________________
5. Konseho di Minister ta bai di akuerdo pa nombra un kantidat di 9 persona pa remplasá miembronan di e Korte Komun di Hustisia konforme rekomendashon di Presidente di Korte Komun di Hustisia di dia 28 di sèptèmbter 2022 i proposishon di Minister di Hustisia di dia 26 di òktober 2022.
Ministerio(nan) responsabel: Ministerio di Hustisia.
__________________________________________________________________________________________________________________________
6. Konseho di Minister ta bai di akuerdo pa duna konseshon na e kompania anónimo “Evolving Communications N.V.” pa loke ta telekomunikashon riba distansia grandi den kuadro di konstrukshon, mantenshon i operashon di un infrastruktura di telekomunikashon públiko na Kòrsou, konforme e ‘Landsverordening telecommunicatievoorzieningen’.
Ministerio(nan) responsabel: Ministerio di Tráfiko, Transporte i Planifikashon Urbano.
__________________________________________________________________________________________________________________________
7. Konseho di Minister ta bai di akuerdo ku outorisashon di Minister di Desaroyo Ekonómiko pa – na nòmber di Kòrsou komo persona hurídiko públiko – firma e akuerdo di maneho 2021-2024 den konsepto ku Fundashon Marshe.
Ministerio(nan) responsabel: Ministerio di Desaroyo Ekonómiko.
__________________________________________________________________________________________________________________________
8. Konseho di Minister ta bai di akuerdo ku e 3 dokumentonan di maneho entregá pa Minister di Desaroyo Ekonómiko riba 21 di òktober 2022, esta e maneho di ‘Vent’, e maneho adaptá di ‘standplaats’ den sentro di siudat, e maneho adaptá di ‘standplaats’ pafó di sentro di siudat i e areglo ministerial den konsepto pa loke ta pèrmit di ‘standplaats’ i ‘vent’.
Ministerio(nan) responsabel: Ministerio di Desaroyo Ekonómiko.
__________________________________________________________________________________________________________________________
9. Konseho di Minister ta bai di akuerdo pa Minister di Finansa presentá e lei den konsepto ku ta trata kambionan den ‘Landsverordening omzetbelasting 1999’, ‘Algemene Landsverordening Landsbelastingen i ‘Landsverordening tarief van invoerrechten’, na Konseho Sosial-Ekonómiko (SER) pa por duna konseho riba esaki.
Ministerio(nan) responsabel: Ministerio di Desaroyo Ekonómiko.
__________________________________________________________________________________________________________________________
10. Konseho di Minister a tuma nota di e karta ku Minister di Tráfiko, Transporte i Planifkashon Urbano a entregá riba 24 di òktober 2022 ku ta informá tokante progreso di e desaroyonan relashoná ku área di Rif.
Ministerio(nan) responsabel: Ministerio di Tráfiko, Transporte i Planifikashon Urbano.
__________________________________________________________________________________________________________________________
11. Konseho di Minister a tuma nota di e kuenta anual 2018 di Buskabaai N.V. entregá pa Minister di Asuntunan General riba 18 di òktober 2022.
Ministerio(nan) responsabel: Ministerio di Asuntunan General.
__________________________________________________________________________________________________________________________
12. Konseho di Minister a tuma nota di e raportahe anual 2020 di Reda Sosial entregá pa Minister di Asuntunan General riba 18 di òktober 2022.
Ministerio(nan) responsabel: Ministerio di Asuntunan General.
__________________________________________________________________________________________________________________________
13. Konseho di Minister a tuma nota di e raportahe anual 2021 di Reda Sosial entregá pa Minister di Asuntunan General riba 18 di òktober 2022.
Ministerio(nan) responsabel: Ministerio di Asuntunan General.
__________________________________________________________________________________________________________________________
14. Konseho di Minister ta bai di akuerdo ku outorisashon di Minister di Asuntunan General den su kalidat di dunadó di òrdu riba tereno teritorial (Territoriale Ordonnateur), pa – na nòmber di Kòrsou komo persona hurídiko públiko – firma e akuerdo, esta e ‘Grant Contract Development Plan for Ramsar Wetland of International Importance #2355: Klein Curaçao, RES-48/CUR’, relashoná ku desaroyo di un strategia i sèt di protokòl pa por nabegá den e lamannan ku ta rondoná Klein Kòrsou.
Ministerio(nan) responsabel: Ministerio di Asuntunan General.
__________________________________________________________________________________________________________________________
15. A base di e desishon di Konseho di Minister di dia 21 di sèptèmber 2022, Konseho di Minister seguidamente ta bai di akuerdo ku kontenido di dekreto nashonal den konsepto pa instituí un ‘Regiegroep Sanering CMC-Entiteiten’.
Ministerio(nan) responsabel: Ministerio di Salubridat Públiko, Medio Ambiente i Naturalesa.
__________________________________________________________________________________________________________________________
16. Konseho di Minister ta bai di akuerdo ku dokumentashon di e desishon ku Konseho di Minister ya a tuma riba 20 di òktober 2022, kaminda ta instruí Minister Plenipotensiario pa tuma nota di e splikashon mas detayá di e Kolegio di Supervishon Finansiero Aruba pa loke ta trata e nesesidat pa likides ku Aruba tin pa ku e di kuater kuartal di 2022, i pa den e kaso akí keda sin duna su voto na momentu ku ta trata e tópiko akí den e reunion di Konseho di Minister di Reino.
Ministerio(nan) responsabel: Ministerio di Asuntunan General.
