Publiká riba 29 Sèptèmber 2023
Desishonnan relashoná spesífikamente ku asuntunan di pais riba nivel nashonal di djárason, 27 di sèptèmber 2023:
1. Entrega di “Rapport Personeelsontwikkeling December 2019” riba 21 di sèptèmber 2023 (Minister di Maneho di Gobernashon, Planifikashon i Servisio Públiko)
Konseho di Minister a tuma nota di e karta risibí serka Minister di Maneho di Gobernashon, Planifikashon i Servisio Públiko riba 16 di yüni 2020, titulá “Rapport personeelsontwikkeling december 2019” di direktor di Beleidsorganisatie Human Resources en Organisatie (HRO)’
2. Konseho tokante konsepto di lei “Dwangsommen en Bestuurlijke Boetes Trustwezen” di dia 15 di sèptèmber 2023 (Minister di Asuntunan General)
Konseho di Minister ta bai di akuerdo pa aseptá e proposishon adaptá pa multa (dwangsommen) i but pa kantornan di Trust, ku ta bai pa Hunta di Konseho pa haña nan opinion. Esaki ta di akuerdo ku e konseho di Direktor di Direktorado di Lei i Kasonan Hurídiko di dia 15 di sèptèmber 2023 i proposishon di Minister di Finansa di dia 20 di sèptèmber 2023.
3. Konseho tokante konsepto di lei ‘Dwangsommen en Boetes Beleggingsinstellingen en Adiministrateurs’ di dia 12 di sèptèmber 2023 (Minister di Asuntunan General)
Konseho di Minister ta bai di akuerdo pa manda e proposishon adaptá pa multa (dwangsommen) i but pa institutonan di invershon i atministradónan pa Hunta di Konseho pa haña nan opinion. Esaki ta di akuerdo ku e konseho di Direktor di Direktorado di Lei i Kasonan Hurídiko dia dia 12 di sèptèmber 2023 i proposishon di Minister di Finansa di dia 20 di sèptèmber 2023.
4. Konseho tokante konsepto di lei “Dwangsommen en Boetes Effectenbeurzen” di dia 15 di sèptèmber 2023 (Minister di Asuntunan General)
Konseho di Minister ta bai di akuerdo pa manda e proposishon adaptá pa multa (dwangsommen) i but pa bolsanan di balor (effectenbeurzen) na Hunta di Konseho pa haña nan opinion. Esaki ta sosodé di akuerdo ku e konseho di Direktor di Direktorado di Lei i Kasonan Hurídiko di dia 15 di sèptèmber 2023 i konseho di Minister di Finansa di dia 20 di sèptèmber 2023.
