Desishonnan di djárason 28 di febrüari 2024

Desishonnan relashoná spesífikamente ku asuntunan di pais riba nivel nashonal di djárason, 28 di febrüari 2024:

1. Konseho riba partisipashon di Promé Minister na konferensia SIDS4 “Charting the course towards resilient prosperity” (Minister di Asuntunan General)

Promé Minister lo partisipá na e di kuater konferensia internashonal di Small Island Developing States (SIDS4), ku lo tuma lugá dia 27 te ku 30 di mei 2024 na Sint John, Antigua i Barbuda. E desishon akí ta basá riba konseho di direktor di Direktorado di Relashonnan Eksterior di dia 6 di febrüari 2024.

2. Proposishon pa un dekreto nashonal relashoná ku implementashon di artíkulo 23, insiso dos, di e Ordenansa di alimento i merkansia (Minister di Finansa)

Konseho di Minister ta duna su aprobashon pa someté e dekreto nashonal ku tin riba mesa relashoná ku implementashon di artíkulo 23, insiso dos, di e Ordenansa di alimento i merkansia (Warenlandsverordening) na Direktora di di Lei i Asuntunan Hurídiko pa konseho.

3. Proposishon pa e Lei di kuenta di pago básiko (Minister di Finansa)

Konseho di Minister ta di akuerdo pa someté e proposishon relashoná ku e lei di kuenta di pago básiko na Direktorado di Lei i Asuntunan Hurídiko pa konseho. Esaki ta konforme e proposishon di dia 22 di febrüari 2024 dor di Minister di Finansa.

4. Konseho riba e plan di akshon pa implementashon di e rekomendashonnan despues di evaluashon di presupuesto (Minister di Finansa)
Konseho di Minister ta bai di akuerdo ku e plan di akshon A.1.1. ku tin riba mesa tokante mehorashonnan den e proseso di presupuesto, basá riba rekomendashonnan di e último evaluashon. E proposishon akí a keda entregá dia 6 di febrüari 2024 pa e Minister di Finansa interino i ta konta ku apoyo di un formulario di evaluashon di presidente di e Nationale Hervormingscommissie Curaçao (NHC). Awor ta keda na e presidente di NHC pa koordiná ehekushon di e akuerdonan establesé, ku ta resultá for di e medida A.1.1. den e agènda di ehekushon di e pakete pais ku Hulanda.

5. Proposishon pa un akuerdo di maneho ku Fundashon Akademia Pa Deporte i Rekreo un Grasia (Minister di Enseñansa, Siensia, Kultura i Deporte)

Konseho di Minister ta bai di akuerdo ku e siguiente puntonan:

1. Ta aseptá e akuerdo di maneho den konsepto manera proponé den kuadro di maneho, manteneshon i eksplotashon di un tereno deportivo pa aktividatnan deportivo i di rekreo pa medio di Fundashon Akademia pa Deporte i Rekreo un Grasia.
2. E Minister di Enseñansa, Siensia, Kultura i Deporte ta haña outorisashon pa firma e akuerdo huntu ku Minister di Tráfiko, Transporte i Planifikashon Urbano na nòmber di Gobièrnu di Kòrsou.

E desishon aki ta basá riba petishon di Minister di Enseñansa, Siensia, Kultura i Deporte di dia 25 di yanüari 2024. Ademas, Konseho di Minister ta duna aprobashon pa manda e dekreto nashonal den konsepto pa Gobernador pa keda firmá.

6. Konseho riba mantenshon di dak di skolnan Chema Maduro i Angela Jeserun (Minister di Enseñansa, Siensia, Kultura i Deporte)

Konseho di Ministro ta bai di akuerdo ku e kambio den presupuesto pa Ministerio di Enseñansa, Siensia, Kultura i Deporte. E kambio akí ta nesesario pa mantenshon di daknan di Skol Preparatorio Chema Maduro i Angela Jeserun. Esaki ta konforme e reglanan di Landsverordening comptabiliteit 2010, artíkulo 47, insiso 3, i ta basá riba konseho di dia 23 di febrüari 2024 di e Direktor di Sektor di Maneho Finansiero i Maneho di Presupuesto.

MAS NOTISIA