Publiká riba 31 Yüli 2026
Desishonnan relashoná spesífikamente ku asuntunan di pais riba nivel nashonal di djárason, 29 di yüli 2026:
1. Presentashon di dos dokumento titulá: “Tourism Carrying Capacity Study. Executive Summary” i “Executive summary of the Carrying Capacity session: What the Co-Creators Told Us” (Ministerio di Desaroyo Ekonómiko)
Konseho di Minister a tuma nota di dos dokumento, presentá pa Minister di Desaroyo Ekonómiko, titulá: “Tourism Carrying Capacity Study. Executive Summary” en “Executive summary of the Carrying Capacity session: What the Co-Creators Told Us”.
2. Konsepto di Dekreto Gubernamental ku ta establesé e “Uitvoeringsorganisatie Justitiële Zorg” (Ministerio di Hustisia)
Konseho di Minister a bai di akuerdo ku e kontenido i presentashon di rapòrt i un konsepto di Dekreto Gubernamental ku ta ehekutá partinan spesífiko di e Ordenansa Nashonal pa organisashon atministrativo (Landsbesluit instelling Uitvoeringsorganisatie Justitiële Zorg) na Gobernador pa ratifikashon.
3. Konsepto di Ordenansa Nashonal tokante revishon di regla di destinashon pa Koraal Tabak (Ministerio di Tráfiko, Transporte i Planifikashon Urbano)
Konseho di Minister a aprobá e kontenido i entrega di e relato tokante e konsepto di Ordenansa Nashonal ku ta kambia e Plan di Desaroyo Insular di Kòrsou ‘(Eilandelijk Ontwikkelingsplan Curaçao’) (‘Landsverordening herziening bestemmingsvoorschriften Koraal Tabak’) na Konseho Sosial-Ekonómiko (SER) pa konseho.
4. Konsepto di Akuerdo di Kooperashon 2026-2029 ku Federashon Kooperativanan Uní di Produkshon (FKUP) (Ministerio di Desaroyo Ekonómiko)
Konseho di Minister a aprobá e kontenido di e konsepto di akuerdo di kooperashon 2026-2029 ku Federashon Kooperativanan Uní di Produkshon (FKUP) i pa outorisá Minister di Desaroyo Ekonómiko (EO) pa firma e akuerdo di kooperashon aki na nòmber di e entidat hurídiko públiko di Kòrsou.
5. Konsepto di dokumento titulá: ‘‘Roadmap Ontwikkeling Implementatieplan. Opstartfase Visiekader Binnenstad 2026-2035” (Ministerio di Desaroyo Ekonómiko)
Konseho di Minister a aprobá kontenido di e konsepto di dokumento titulá: ‘Roadmap Ontwikkeling Implementatieplan. Opstartfase Visiekader Binnenstad 2026-2035’konforme un proposishon di Minister di Desaroyo Ekonómiko (MEO) i Minister di Tráfiko, Transporte i Planifikashon Urbano (VVRP).
