Publiká riba 05 Yüni 2026
Desishonnan relashoná spesífikamente ku asuntunan di pais riba nivel nashonal di djárason, 3 di yüni 2026:
1. Modifikashon di dekreto di sanshonnan-Omnibus i e dekreto nashonal ku ta asigná posishonnan di konfiansa i investigashonnan di seguridat (Ministerio di Asuntunan General)
Konseho di Minister a aprobá un konsepto di dekreto nashonal ku ta kambia e dekreto di Sanshonnan-Omnibus di Kòrsou i e Dekreto Nashonal ku ta asigná posishonnan di konfiansa i investigashonnan di seguridat. Ta entregá e konsepto di e Dekreto Nashonal na Gobernador pa firma.
2. Ehekushon di e Ordenansa pa institushon di Outoridat di Aviashon Sivil (Ministerio di Tráfiko, Transporte i Planifikashon Urbano)
Konseho di Minister a aprobá e rapòrt i e konsepto di dekreto nashonal pa ehekushon di artíkulo 15, insiso 3, di e ordenansa nashonal pa organisashon di maneho públiko (Ordenansa pa institushon di Outoridat di Aviashon Sivil). Ta entregá e konsepto di e dekreto nashonal na Gobernador pa firma.
3. Aprobashon di nombramentunan diplomátiko den hemisferio oksidental (Ministerio di Asuntunan General)
Konseho di Minister a aprobá un desishon ya tumá ‘op stuk’ ku ta kontené un instrukshon na Minister Plenipotensiario pa Konseho di Minister di Reino fechá 29 di mei 2026 tokante aprobashon di nombramentunan diplomátiko den Hemisferio Oksidental.
4. Lantamentu di e Grupo di Koordinashon pa trayekto di bibienda di Gobièrnu di Kòrsou (Ministerio di Maneho di Gobernashon, Planifikashon i Servisio Públiko)
Konseho di Minister a aprobá un konsepto di dekreto nashonal ku ta instituí un Grupo di Koordinashon di trayekto di bibienda di Gobièrnu Kòrsou pa un periodo di kuater aña. Ta entregá e konsepto di e dekreto Nashonal na Gobernador pa firma.
