Desishonnan di djárason 30 di novèmber 2022 - Informashon tokante Gobièrnu di Kòrsou

buska un dokumento

Desishonnan di djárason 30 di novèmber 2022

 

Desishonnan di djárason 30 di novèmber 2022

Publiká riba 02 Desèmber 2022

Desishonnan relashoná spesífikamente ku asuntunan di pais riba nivel nashonal di djárason, 30 di novèmber 2022:

1. Konseho di Minister ta bai di akuerdo ku dokumentashon di e desishon ya a keda tumá pa Konseho di Minister riba 11 di novèmber 2022, kaminda ta outorisá Minister di Tráfiko, Transporte i Planifikashon Urbano pa – na nòmber di Kòrsou komo persona hurídiko públiko – firma e “Global Memorandum of Understanding on Zero-Emission Medium and Heavy Duty Vehicles”.

Ministerio(nan) responsabel: Ministerio di Tráfiko, Transporte i Planifikashon Urbano.

2. Konseho di Minister ta bai di akuerdo ku kontenido di e karta den konsepto di Minister di Tráfiko, Transporte i Planifikashon Urbano di dia 21 di novèmber 2022 dirigí na Sekretario di Estado di Relashonnan den Reino i Digitalisashon tokante e posibilidat pa interkambio di informashon entre e timnan nashonal ‘Cyber Emergency Response’ den Reino.

Ministerio(nan) responsabel: Ministerio di Tráfiko, Transporte i Planifikashon Urbano.

3. Konseho di Minister ta bai di akuerdo pa outorisá Sekretario General interino di Ministerio di Hustisia pa – na nòmber di Kòrsou komo persona hurídiko públiko – firma e akuerdo den kosepto ku Total Cleaning Services relashoná ku servisio di limpiesa na staf ministerial di Ministerio di Hustisia. Esaki konforme petishon di Sekretario General interino di Ministerio di Hustisia di dia 25 di òktober 2022, teniendo kuenta ku konseho di e Account Manager Hurídiko di e ministerio en kuestion di dia 25 di òktober 2022.

Alabes Konseho di Minister ta bai di akuerdo pa entregá e dekreto nashonal den konsepto na Gobernador pa firma.

Ministerio(nan) responsabel: Ministerio di Hustisia.

4. Konseho di Minister ta bai di akuerdo ku petishon di Minister di Finansa interino di dia 25 di novèmber 2022 tokante e dekreto nashonal den konsepto ku ta trata gastunan relashoná ku supervishon di e sektor bankario i sektor di krédito.

Ministerio(nan) responsabel: Ministerio di Finansa.

5.Konseho di Minister ta bai di akuerdo ku kontenido di e dekreto nashonal den konsepto ‘dwangsommen en bestuurlijke boetes dienstverleners 2022’ i entrega di esaki na Gobernador pa firma. Esaki konforme petishon di Minister di Finansa interino di dia 25 di novèmber 2022 i konseho di Direktor di Direktorado di Lei i Kasonan Hurídiko di dia 21 di òktober 2022.

Ministerio(nan) responsabel: Ministerio di Finansa.

6. Konseho di Minister a tuma nota di e karta di Direktor di ‘Bureau Telecommunicatie en Post’ (BTP) i tambe Sekretariado di ‘Smart Nation Curaçao Platform’ tokante e ‘Uitnodiging inhoudelijke bijdrage introductie Curaçao Data Day conferentie 2022’, kual a dirigí na Sekretario di Estado di Relashonnan den Reino i Digitalisashon. E karta a keda entregá pa Minister di Tráfiko, Transporte i Planifikashon Urbano riba 18 di novèmber 2022.

Ministerio(nan) responsabel: Ministerio di Tráfiko, Transporte i Planifikashon Urbano.

7. Pa loke ta trata petishon di Minister di Gobernashon, Planifikashon i Servisio Públiko relashoná ku e raportahe ku ta trata ‘doorlichting van de ambtelijke topstructuur, MD-beleidskader voor topkader en bestuursdienst’, Konseho di Minister ta bai di akuerdo ku e siguiente puntonan:

  1. En prinsipio di akuerdo ku kontenido di i rekomendashonnan den e raportahe di 25 di novèmber 2022 titulá “Verbetervoorstellen en aanbevelingen. Niets doen is geen optie meer!” den anekso 1;
  2. Entrega di e raportahe menshoná bou di punto 1 na Presidente di e “Centraal Georganiseerd Overleg in Ambtenarenzaken” (CGOA);
  3. Pa Minister di Gobernashon, Planifikashon i Servisio Públiko:
  4. informá e ‘Tijdelijke Werkorganisatie’ (TWO) ku proyektonan B4.1.1 i B4.1.4 di e Agènda di ehekushon di e Pakete pais pa ku e di dos kuartal di 2022, ta finalisá i por kuminsá ku tur preparashon relashoná ku e plan di implementashon pa ku e di tres i di kuater kuartal di 2022, manera deskribí den B4.1.5 di e Agènda di ehekushon di e Pakete pais;
  5. presentá na Konseho di Minister e proposishonnan relashoná ku e kuadro di maneho sosial, e kambionan nesesario pa ku legislashon i regulashon òf disposishon temporal di algun aspekto di e plan di implementashon, dentro di tres (3) luna promé ku tomo di desishon tuma lugá;
  6. Entrega di nobo di e raportahe menshoná bou di punto 1 i e plan di implementashon menshoná bou di punto 3 na Kosneho di Minister den e promé kuartal di 2023 pa yega na desishon final;
  7. Kontenido kontinuashon di e trabounan pa e periodo te ku mart 2023 asina e tim na enkargo por sigui ku e proyekto manera deskribí den anekso;
  8. A tuma nota di e karta di Minister di Gobernashon, Planifikashon i Servisio Públiko di dia 31 di òktober 2022 i ku ta dirigí na e mènedjer di programa TWO, tokante ‘Verzoek om bijdrage medeoverheden voor programma Verbeteren Functioneren Overheid’ manera indiká den anekso 4.

Ministerio(nan) responsabel: Ministerio di Gobernashon, Planifikashon i Servisio Públiko.

8. Relashoná ku petishon di Minister di Enseñansa, Siensia, Kultura i Deporte tokante dos akuerdo den konsepto entre e ministerio ku APS-IT diensten B.V. i Dataplanet N.V, Konseho di Minister ta bai di akuerdo ku e siguiente puntonan:

  1. Kontenido di e akuerdo den konsepto “Samenwerkingsovereenkomst licenties Microsoft Basispakket: een overeenkomst tussen het Land Curaçao en APS IT-diensten” ku APS IT-diensten B.V. i e akuerdo den konsepto “Proposal: XSALT354P” ku Data Planet N.V.;
  2. Outorisashon di Sekretario General interino di Ministerio di Enseñansa, Siensia, Kultura i Deporte pa – na nòmber di Kòrsou komo persona hurídiko públiko – firma e akuerdonan.

Alabes Konseho di Minister ta bai di akuerdo pa entregá ámbos dekreto nashonal den konsepto na Gobernador pa firma.

Ministerio(nan) responsabel: Ministerio di Enseñansa, Siensia, Kultura i Deporte.

9.Konseho di Minister ta bai di akuerdo ku petishon di Ministerio di Enseñansa, Siensia, Kultura i Deporte pa trese kambio den presupuesto relashoná ku ehekushon di diferente aktividat kultural na benefisio di Sektor di Kultura i Deporte. Esaki aplikando artíkulo 47, insiso tres, di e ‘Landsverordening comptabiliteit 2010’.

Esaki konforme konseho di Direktor di Sektor di Maneho Finansiero i Maneho di Presupuesto di dia 18 di novèmber 2022.

Ministerio(nan) responsabel: Ministerio di Enseñansa, Siensia, Kultura i Deporte.

10. Konseho di Minister ta bai di akuerdo ku petishon di ‘Uitvoeringsorganisatie Onderwijs en Wetenschap’ (UOW) di Ministerio di Enseñansa, Siensia, Kultura i Deporte pa haña outorisashon i tambe pa desviá di e maneho di ‘consultancy’, relashoná ku e siguiente kuater (4) temanan ku ta konserní Ernst & Young Dutch Caribbean (EY):

  1. Desaroyo di sistema i implementashon di e “Centraal Landelijk Onderwijs Administratiesysteem” fase 1 (digitalisashon interno);
  2. Sosten djafó na Ministerio di Enseñansa, Siensia, Kultura i Deporte pa ku Transformashon digital i instalashon di e unidat Digital;
  3. Fortifikashon di kapasidat di Ministerio di Enseñansa, Siensia, Kultura i Deporte, i;
  4. E ‘Data Analytics Center’ di Ministerio di Enseñansa, Siensia, Kultura i Deporte.

Esaki aplikando artíkulo 10, insiso sinku, di e ‘Landsverordening Financieel Beheer’ i konforme konseho di Direktor di Sektor di Maneho Finansiero i Maneho di Presupuesto di dia 31 di òktober 2022.

Ministerio(nan) responsabel: Ministerio di Enseñansa, Siensia, Kultura i Deporte.

11. Konseho di Minister ta bai di akuerdo ku petishon di Ministerio di Desaroyo Sosial, Labor i Bienestar pa trese kambio den presupuesto di forma ku por kubri gastunan relashoná ku korekshonnan chikitu (quick fix) ku Reda Sosial ta hasi na bibiendanan den kuadro di ‘integrale wijkaanpak’.

Esaki aplikando artíkulo 47, insiso tres, di e ‘Landsverordening comptabiliteit 2010’ i konforme konseho di Direktor di Sektor di Maneho Finansiero i Maneho di Presupuesto di dia 9 di novèmber 2022.

Ministerio(nan) responsabel: Ministerio di Desaroyo Sosial, Labor i Bienestar.

12. Konseho di Minister ta bai di akuerdo ku petishon di Ministerio di Hustisia relashoná ku ‘aanvulling van de Kapitaaldienst ter uitvoering van de wettelijke taken en optimaliseren bedrijfsvoering’ di Korps Politie Curaçao (KPC).

Esaki aplikando artíkulo 47, insiso tres, di e ‘Landsverordening comptabiliteit 2010’ i konforme konseho di Direktor di Sektor di Maneho Finansiero i Maneho di Presupuesto di dia 20 di òktober 2022.

Ministerio(nan) responsabel: Ministerio di Hustisia.

13. Konseho di Minister ta bai di akuerdo pa outorisá Minister di Enseñansa, Siensia, Kultura i Deporte pa – na nòmber di Kòrsou komo persona hurídiko públiko – firma e akuerdo di mantenshon den kosepto ku Reda Sosial pa ku ehekushon di e ‘deelproject multifunctioneel sportfaciliteit’ (Fase-1) na Soto. Alabes Konseho di Minister ta bai di akuerdo pa entregá e dekreto nashonal den konsepto na Gobernador pa firma.

Esaki konforme petishon di Minister di Enseñansa, Siensia, Kultura i Deporte di dia 23 di novèmber 2022, teniendo kuenta ku desishon di Konseho di Minister di dia 9 di novèmber 2022.

Ministerio(nan) responsabel: Ministerio di Enseñansa, Siensia, Kultura i Deporte.

14. Konseho di Minister ta bai di akuerdo pa outorisá Minister di Enseñansa, Siensia, Kultura i Deporte pa – na nòmber di Kòrsou komo persona hurídiko públiko – firma e akuerdo di mantenshon den kosepto ku Fundashon Desaroyo Deportivo Korsou (FDDK) pa ku ehekushon di e siguiente ‘deelprojecten’: Sabana Ballpark (pone yerba artifisial), tereno di fùtbòl S.V. Victory Boyz (iluminashon), tereno di beisbòl Montab (iluminashon), skol Avansá Amador Nita na Parera (iluminashon sala deportivo) en tereno di besibòl banda di Lanthùis Hel (pone yerba artifisial).

Alabes Konseho di Minister ta bai di akuerdo pa entregá e dekreto nashonal den konsepto na Gobernador pa firma.

Esaki konforme petishon di Minister di Enseñansa, Siensia, Kultura i Deporte di dia 22 di novèmber 2022, teniendo kuenta ku konseho di Direktor di Sektor di Maneho Finansiero i Maneho di Presupuesto di dia 19 di sèptèmber 2022.

Ministerio(nan) responsabel: Ministerio di Enseñansa, Siensia, Kultura i Deporte.

chevron-right-solid-svg MAS NOTISIA
Facebook Facebook