Publiká riba 06 Òktober 2023
Desishonnan relashoná spesífikamente ku asuntunan di pais riba nivel nashonal di djárason, 4 di òktober 2023:
1. Proposishon Grupo di Guia Aña di Konmemorashon Abolishon di Sklabitut Kòrsou dia 26 di sèptèmber 2023 (Minister di Enseñansa,Siensia, Kultura i Deporte)
Konseho di Minister ta bai di akuerdo ku stipulashon di e desishon tumá riba 14 di yüli 2023 pa Gobièrnu di Kòrsou, relashoná ku lantamentu di un grupo di guia yamá ‘Komishon Nashonal Aña di Konmemorashon Abolishon di Sklabitut Kòrsou’. Esaki ta sosodé riba petishon di Minister di Enseñansa, Siensia, Kultura i Deporte. Tambe Konseho di Minister ta bai di akuerdo ku presentashon di e desishon akí na Gobernador pa aprobashon ofisial i firmamentu.
