Publiká riba 08 Desèmber 2023
Desishonnan relashoná spesífikamente ku asuntunan di pais riba nivel nashonal di djárason, 6 di desèmber 2023:
1. Entrega di e rapòrt “European Social Charter Reporting Year 2023 by the Government of Curaçao: Ad Hoc Report on the Cost of Living Crisis & Responses to Questions from the European Committee on Social Rights (ECSR)” (Minister di Desaroyo Sosial, Labor i Bienestar)
Konseho di Minister a bai di akuerdo ku kontenido di e rapòrt titulá “European Social Charter Reporting Year 2023 by the Government of Curaçao: Ad Hoc Report on the Costs of Living Crisis & Answers to Questions Posed by the European Committee on Social Rights (ECSR).”
Esaki ta konforme petishon di Minister di Desaroyo Sosial, Labor i Bienestar fechá 23 di novèmber 2023 i proposishon di SeKretario General di Ministerio di SOAW fechá 17 di novèmber 2023.
2. Petishon pa kolaborashon ku “Blue Planet Alliance” pa un mapa di energia (Minister di Desaroyo Ekonómiko)
Konseho di Minister ta bai di akuerdo ku e siguiente desishonnan:
1. E konsepto di Memorando di Entendimentu (MoU) titulá “The Blue Planet Climate Agreement, COP28 Dubai, UAE 2023” entre Kòrsou i Blue Planet Alliance (Mira athunto).
2. Minister di Desaroyo Ekonómiko i sr. A. Martis, presidente di Curaçao Climate Change Platform, ta haña outorisashon pa na nòmber di Kòrsou firma e memorando di entedimentu den konsepto.
Esaki ta konforme petishon di 1 di desèmber 2023 di Minister di Desaroyo Ekonómiko. Konseho di Minister ademas ta bai di akuerdo pa manda e dekreto nashonal den konsepto pa Gobernador firma esaki.
3. Entrega di rapòrt di investigashon titulá “The Curaçaoan economy in relation to other small island states” (Minister di Desaroyo Ekonómiko)
Konseho di Minister ta tuma nota di e rapòrt di investigashon titulá “The Curaçaoan economy in relation to other small island states”, riba proposishon di Minister di Desaroyo Ekonómiko.
4. Proposishon pa un dekreto gubernamental ‘UBO-registratie’ (Minister di Finansa)
Minister di Finansa a hasi un proposhishon riba 4 di desèmber riba registrashon di ‘Uiteindelijk Belanghebbenden’ (UBO’s) konforme e dekreto gubernamental general “Landsbelastingen”. Ta manda e proposishon pa Direktorado di Lei i Kasonan Hurídiko (WJZ) pa konseho.
5. Proposishon pa partisipashon di Kòrsou na e “2023 International Narcotics Control Strategy Report (INCSR) Vol. II” (Minister di Asuntunan General)
Konseho di Minister ta bai di akuerdo ku e aporte di Kòrsou na e “2023 International Narcotics Control Strategy Report (INCSR) Volume II” di e Departamento di Estado Merikano, ku ta bai pa kongreso Merikano. Esaki konforme konseho di Direktor di Direktorado di Relashonnan Eksterior di dia 23 di novèmber. E Direktor di Direktorado di Relashonnan Esterior lo entregá e aporte akí na Konsulado Merikano.
