Publiká riba 09 Desèmber 2022
Desishonnan relashoná spesífikamente ku asuntunan di pais riba nivel nashonal di djárason, 7 di desèmber 2022:
1. Konseho di Minister a tuma nota di di e karta dirigí na Minister di Infrastruktura i Maneho di Awa inkluso e karta di intenshon tokante mehorashon di e kolaborashon meteorológiko entre Kòrsou i Hulanda na benefisio di islanan BES, ku Minister di Tráfiko, Transporte i Planifikashon Urbano a presentá riba 28 di novèmber 2022.
Ministerio(nan) responsabel: Ministerio di Tráfiko, Transporte i Planifikashon Urbano.
2. Konseho di Minister a tuma nota di e karta dirigí na Sekretario di Estado Relashonnan den Reino i Digitalisashon tokante un proposishon pa futuro kolaborashon riba tereno di kambio di klima, ku Minister di Tráfiko, Transporte i Planifikashon Urbano a presentá riba 28 di novèmber 2022.
Ministerio(nan) responsabel: Ministerio di Tráfiko, Transporte i Planifikashon Urbano.
3. Konseho di Minister ta bai di akuerdo ku dokumentashon di e desishon ku Konseho di Minister ya a tuma riba 14 di novèmber 2022 pa manda e “Notitie Sociale Beleidskader Bemensing” di Justitiële Zorg ku Minister di Hustisia a presentá riba 27 di novèmber 2022, na Komishon Sentral di Sindikatonan (CCvV) i ‘Centraal Georganiseerd Overleg in Ambtenarenzaken’ (CGOA).
Ministerio(nan) responsabel: Ministerio di Hustisia
4. Konseho di Minister ta bai di akuerdo ku e petishon pa duna outorisashon en konekshon ku e ‘Service Level Agreement (SLA) Website & Server Support 2022’ ku tin ku e-Datu na benefisio di Outoridat di Aviashon Sivil di Kòrsou. Esaki aplikando artíkulo 10, insiso sinku, di e ‘Landsverordening Financieel Beheer’ i bou di e kondishon ku – a base di e ‘Landsverordening Materieel Ambtenarenrecht (LMA)’- Minister di Tráfiko, Transporte i Planifikashon Urbano ta dil direktamente ku e ámtenarnan responsabel.
Un ke otro konforme konseho di Direktor di Sektor di Maneho Finansiero i Maneho di Presupuesto di dia 15 di novèmber 2022.
Ministerio(nan) responsabel: Ministerio di Tráfiko, Transporte i Planifikashon Urbano.
5. Konseho di Minister ta bai di akuerdo ku e petishon di Ministerio di Desaroyo Sosial, Labor i Bienestar pa kambio den presupuesto tokante kubrimentu di gastunan relashoná ku nombramentu temporal di tres (3) kolaboradó serka Sektor di Famia i Hubentut. Esaki aplikando artíkulo 47, insiso tres, di e ‘Landsverordening Comptabiliteit 2010’.
Un ke otro konforme konseho di Direktor di Sektor di Maneho Finansiero i Maneho di Presupuesto di dia 5 di mei 2022.
Ministerio(nan) responsabel: Ministerio di Desaroyo Sosial, Labor i Bienestar.
6. Koseho di Minister a tuma nota di e raportahe di ehekushon definitivo pa e di kuater kuartal di 2022 i tambe karta (fechá 29 di novèmber 2022) di e mènedjer di programa “Tijdelijke Werkorganisatie” dirigí na Presidente di e Komishon Nashonal di Reforma. Un ke otro konforme petishon di Minister di Asuntunan General di dia 5 di desèmber 2022.
Ministerio(nan) responsabel: Ministerio di Asuntunan General.
7. Konseho di Minister ta bai di akuerdo ku e karta di Minister di Maneho di Gobernashon, Planifikashon i Servisio Públiko di dia 1 di desèmber 2022 pa duna empleadonan públiko mitar dia liber riba 23 i 30 di desèmber 2022 i henter dia liber riba 2 di yanüari 2023. Esaki te kaminda ku trabou ta pèrmití esaki. Un ke otro konforme proposishon di Minister di Maneho di Gobernashon, Planifikashon i Servisio Públiko di dia 5 di desèmber 2022.
Ministerio(nan) responsabel: Ministerio di Maneho di Gobernashon, Planifikashon i Servisio Públiko.
8. Relashoná ku petishon di Minister di Hustisia di dia 2 di desèmber 2022 tokante un investigashon riba nesesidat pa anulashon di visa pa personanan ku nashonalidat dominikano, Kosneho di Minister ta bai di akuerdo ku e siguiente puntonan:
Ministerio(nan) responsabel: Ministerio di Hustisia.
9. Relashoná ku e plan di maneho titulá “De Toekomst van Water” di Komishon di Maneho Integral di Awa Kòrsou, ku a keda presentá pa Minister di Desaroyo Ekonómiko riba 5 di desèmber 2022, Kosneho di Minister ta bai di akuerdo ku e siguiente puntonan:
Un ke otro konforme konseho di Presidente di e Komishon Maneho Integral di Awa Kòrsou di dia 2 di desèmber 2022.
Ministerio(nan) responsabel: Ministerio di Desaroyo Ekonómiko.
10. Relashoná ku e plan di akshon titulá “Exploratie Coastline Curaçao” di Komishon di Maneho Integral di Awa Kòrsou, ku a keda presentá pa Minister di Desaroyo Ekonómiko riba 5 di desèmber 2022, Kosneho di Minister ta bai di akuerdo ku e siguiente puntonan:
Un ke otro konforme konseho di Presidente di e Komishon Maneho Integral di Awa Kòrsou di dia 2 di desèmber 2022.
Ministerio(nan) responsabel: Ministerio di Desaroyo Ekonómiko.
11. Konseho di Minister ta bai di akuerdo ku kontenido di e agènda di ehekushon den konsepto pa e di promé kuartal di aña 2023 komo parti di e Pakete país, pa yega na un agènda definitivo riba nivel di gobernashon entre Gobièrnu di Hulanda i Gobièrnu di Kòrsou.
Un ke otro konforme petishon di Minister di Asuntunan General di dia 7 di desèmber 2022 i e karta di Presidente di e Komishon Nashonal di Reforma di dia 7 di desèmber 2022.
Ministerio(nan) responsabel: Ministerio di Asuntunan General.
12. Konseho di Minister ta bai di akuerdo ku kontenido di e nota di kambio den konsepto pa loke ta e proyekto presupuestiario pa aña 2023 i entrega di esaki na Parlamento di Kòrsou pa keda tratá. Un ke otro konforme petishon di Minister di Finansa interino di dia 6 di desèmber 2022.
Ministerio(nan) responsabel: Ministerio di Finansa.
13. A base di e relato tokante ‘Landsverordening’, Konseho di Minister ta bai di akuerdo ku kontenido di e nota den konsepto pa stipulá e presupuesto di Kòrsou pa aña 2023 i entrega di esaki na Parlamento di Kòrsou pa keda tratá. Un ke otro konforme konseho di Direktor di Sektor di Maneho Finansiero i Maneho di Presupuesto di dia 6 di desèmber 2022.
Ministerio(nan) responsabel: Ministerio di Finansa.
14. Konseho di Minister ta bai di akuerdo ku kontenido di e dokumento ku tin komo tema “Interventie van de gevolmachtigde minister namens de regering van Curaçao tijdens de Catshuissessie op 08 december 2022 inzake aanbieding van excuses voor het slavernijverleden van Nederland” i e diferente remarkenan adishonal pa ku e intervenshon akí.
Un ke otro konforme proposishon di Minister di Asuntunan General di dia 6 di desèmber 2022. Na Minister Plenipotensiario pa trese e punto di bista akí públikamente dilanti durante di e enkuentro ariba menshoná.
Ministerio(nan) responsabel: Ministerio di Asuntunan General.
