Publiká riba 09 Aprel 2026
Desishonnan relashoná spesífikamente ku asuntunan di pais riba nivel nashonal di djárason, 8 di aprel 2026:
1. Kontribushon di Reino Hulandes durante reunionnan di Fondo Monetario Internashonal (IMF) i Banko Mundial (Ministerio di Asuntunan General)
Konseho di Minister a bai di akuerdo ku e desishon, ya tumá ‘op stuk’ tokante un konsepto di instrukshon na Minister Plenipotensiario na benefisio di Konseho di Reino di 27 di mart 2026 tokante partisipashon di Reino Hulandes na e reunionnan di Fondo Monetario Internashonal (IMF) i Banko Mundial.
2. Modifikashon di Presupuesto pa rekursonan finansiero pa konstrukshon di kuarenta (40) unidat pa Totolika (Ministerio di Salubridat, Medio Ambiente i Naturalesa)
Konseho di Minister ta bai di akuerdo ku e kambio di presupuesto pidí pa Ministerio di Salubridat, Medio Ambiente i Naturalesa (GMN) tokante e sobrá rekursonan finansiero pa realisashon di konstrukshon di kuarenta (40) unidat pa Totolika. A tuma e desishon aki riba konseho di Direktor Sektorial Interino pa Maneho Finansiero i Maneho Presupuestal.
