Desishonnan di djárason 8 di febrüari 2023

Desishonnan relashoná spesífikamente ku asuntunan di pais riba nivel nashonal di djárason, 8 di febrüari 2023:

1. Konseho di Ministe ta bai di akuerdo ku entrega di e proyekto di lei pa trese kambio den e Lei tokante maneho finansiero na Konseho di Konsulta pa por risibí konseho ku urgensia, ya ku mester atendé ‘management letters’ i finalisá partinan di e Roadmap pa por mehorá e maneho finansiero.

Un ke otro konforme konseho di Direktor di Direktorado di Lei i Kasonan Hurídiko di dia 20 di òktober 2022, konseho di Direktor di Maneho Finansiero i Maneho di Presupuesto di dia 12 di yanüari 2023 i petishon di Minister di Finansa di dia 31 di yanüari 2023.

Ministerio(nan) responsabel: Ministerio di Finansa.

2. Kosneho di Minister a tuma nota di e kambio den Reglamentu di Órden di Parlamento manera indiká den e ‘Beschikking’ di Parlamento di Kòrsou di dia 10 di novèmber 2022. Seguidamente Konseho di Minister ta bai di akuerdo pa hasi entrega di e dekreto nashonald den konsepto tokante anunsio di e ‘Beschikking’ di Parlamento na Gobernador pa stipulashon.

Ministerio(nan) responsabel: Ministerio di Asuntunan General.

3. Relashoná ku e karta di Direktor di Direktorado di Relashonnan Eksterior di dia 25 di yanüari 2023 tokante “Sixth Meeting of the Forum of the Countries of Latin America and the Caribbean on Sustanable Development”, presentá pa Minister di Asuntunan General riba 31 di yanüari 2023, Konseho di Minister ta bai di akuerdo ku e siguiente puntonan:

1. Pa tuma nota di e evento akí ku ta tuma lugá di 25 te ku 28 di aprel 2023 na Santiago, Chile;
2. Pa aserká sekretariado di SDG pa wak e posiblidatnan tokante partisipashon;
3. Pa pidi sekretariado di SDG duna konseho den kuadro di e partisipashon;
4. Pa hasi un petishon na Direktor di Relashonnan Eksterior pa manda e invitashon ofisial di “Economic Commission for Lating America and the Caribbean” (ECLAC) pa sekretariado di SDG asina ku e drenta.

Ministerio(nan) responsabel: Ministerio di Asuntunan General.

MAS NOTISIA