Publiká riba 10 Novèmber 2023
Desishonnan relashoná spesífikamente ku asuntunan di pais riba nivel nashonal di djárason, 8 di novèmber 2023:
1. Proposishon pa kambio den lei di impuesto (Ministerio di Finansa)
Konseho di Minister ta bai di akuerdo ku e proposishon di Minister di Finansa riba 3 di novèmber pa trese adapatashon den lei di impuesto. Esaki ta inkluí e Ordenansa riba impuesto di benta 1999, e Ordenansa riba tarifa di derechi di importashon i e Ordenansa general riba impuesto. Ta manda e proposishon akí pa Hunta di Konseho pa nan konseho.
2. Proposhishon pa drenta den un kolaborashon ku Fundashon Uniek Curaçao pa maneho di ocho área natural (Minister di Salubridat Públiko, Medio Ambiente i Naturalesa)
Konseho di Minister ta bai di akuerdo ku e siguiente desishonnan:
1. Un kolaborashon ku Fundashon Uniek Curaçao pa mantené i tene limpi ocho área di naturalesa pa e periodo di 2024 te 2029, manera deskribí den e plan athunto.
2. Direktor di Sektor di Agrikultura, Medio ambiente i Naturalesa ta haña outorisashon pa firma e akuerdo na nòmber di Kòrsou.
Esaki ta basá riba e proposishon di dia 31 di òktober 2023, di Minister di Salubridat, Medio Ambiente i Naturalesa. Konseho di Minister tambe ta akordá pa entregá e dekreto nashonal den konsepto na Gobernador pa keda firmá.
