Publiká riba 14 Aprel 2025
Desishonnan relashoná spesífikamente ku asuntunan di pais riba nivel nashonal di djárason, 9 di aprel 2025:
1. Resúmen di petishonnan pa konseho na SER te ku 31 di mart 2025 (Minister di Asuntunan General)
Konseho di Minister a tuma nota di e karta di Direktor di Konseho Sosio-Ekonómiko (SER) fechá 1 di april 2025, ku e tema “Resúmen di petishonnan pa konseho na SER te ku 31 di mart 2025”, manera entregá pa Minister di Asuntunan General.
2. Ahuste di presupuesto pa implementashon di e Lei di Bienestar di Animal (Minister di Salubridat, Medio Ambiente i Naturalesa)
Konseho di Minister ta aprobá ahuste di e presupuesto proponé dor di Ministerio di Salubridat, Medio Ambiente i Naturalesa pa kontinuashon di implementashon di e Lei di Bienestar di Animal. E ahuste akí ta basá riba artíkulo 47, insiso tres, di e Lei di Komptabilidat di 2010 i a ser aprobá segun konseho di e Direktor Interino di Sektor di Maneho Finansiero i Maneho di Presupuesto fechá 4 di aprel 2025.
