Desishonnan di djárason 9 di novèmber 2022

Desishonnan relashoná spesífikamente ku asuntunan di pais riba nivel nashonal di djárason, 9 di novèmber 2022:

1. Konseho di Minister a tuma nota di e karta ku fecha 21 di òktober 2022 ku a keda entregá pa Minister di Asuntunan General riba 2 di novèmber 2022, kaminda Minister di Asuntunan Eksterior a informá tokante e lista di tratadonan ku aktualmente ta den deliberashon.

Ministerio(nan) responsabel: Ministerio di Asuntunan General.

_____________________________________________________________________________________________________________

2. Konseho di Minister a tuma nota di e rapòrt di Kontrolaria General di Kòrsou presentá pa Minister di Asuntunan General riba 2 di novèmber 2022, tokante e posishon finansiero di instansianan supsidiá entre 2016 pa 2020.

Ministerio(nan) responsabel: Ministerio di Asuntunan General.

_____________________________________________________________________________________________________________

3. Konseho di Minister Konseho di Minister ta bai di akuerdo ku petishon di Ministerio di Desaroyo Sosial, Labor i Bienestar pa haña outorisashon pa paga ofisina di abogado Soliana, Bonapart & Aardenburg relashoná ku e kaso hudisial den apelashon. Esaki a base di artíkulo 10, insiso sinku, di e ‘Landsverordening financieel beheer’.

Ministerio(nan) responsabel: Ministerio di Desaroyo Sosial, Labor i Bienestar.

_____________________________________________________________________________________________________________

4. Konseho di Minister Konseho di Minister ta bai di akuerdo ku petishon di Minister di Hustisia di dia 26 di òktober 2022 pa medio di un dekreto nashonal den konsepto tokante instalashon di tantu un komishon komo un grupo di tarea den kuadro di “Bibienda i Renovashon” ku ta kai bou di Korte Komun di Hustisia. Esaki ku e kambionan nesesario hasí den artíkulo 2, insiso 2, di e dekreto nashonal den konsepto pa loke ta e miembronan ku a keda proponé.

Ministerio(nan) responsabel: Ministerio di Hustisia.

_____________________________________________________________________________________________________________

5. Konseho di Minister ta bai di akuerdo ku e petishon di Ministerio di Tráfiko, Transporte i Planifikashon Urbano relashoná ku kambio den presupuesto pa loke ta kontribushon di pais na dekorashon di lusnan di Pasku den sentro di siudat (Pasku Fiesta di Lus 2022). Esaki aplikando artíkulo 47, insiso tres, di e “Landsverordening comptabiliteit 2010”.

Ministerio(nan) responsabel: Ministerio di Tráfiko, Transporte i Planifikashon Urbano.

_____________________________________________________________________________________________________________

6. Konseho di Minister ta bai di akuerdo ku e rapòrt “Meerjarenonderhoud en instandshoudingsprogramma Wegen en Afwatering 2023-2029” di Ministerio di Tráfiko, Transporte i Planifikashon Urbano. Esaki konforme petishon di Minister di Tráfiko, Transporte i Planifikashon Urbano di dia 4 di novèmber 2022 i konseho di Direktor di Sektor di Maneho Finansiero i Maneho di Presupuesto di dia 27 di òktober 2022.

Ministerio(nan) responsabel: Ministerio di Tráfiko, Transporte i Planifikashon Urbano.

_____________________________________________________________________________________________________________

7. Konseho di Minister ta bai di akuerdo ku dokumentashon di e konseho ku ya a keda tumá riba 28 di òktober 2022 relashoná ku e areglo partikular presentá pa Minister di Asuntunan General pa kontratá profeshonalnan Yu di Kòrsou via di FRED.

Ministerio(nan) responsabel: Ministerio di Asuntunan General.

_____________________________________________________________________________________________________________

8. Relashoná ku e Plan di Akshon pa Trafikashon di Hende Kòrsou (Mensenhandel Curaçao) 2022-2026 presentá pa Minister di Hustisia riba 4 di novèmber 2022 (un k’e otro konforme proposishon di Sekretario General a.i. di Ministerio di Hustisia), Konseho di Minister ta bai di akuerdo ku e siguiente puntonan:

1. 1. Kontenido di e plan di akshon;
   2. Ehekushon di e 18 puntonan di desishon manera indiká den e plan di akshon (página 4 i 5);
   3. Pa organisá kursonan i estudio pa e diferente aktornan manera indiká den e plan di akshon;
   4. E kurso i estudio lo kai bou di kordinashon di e kordinadó nashonal di trafikashon di hende;
   5. Ministerio di Hustisia lo kubri parti di e presupuesto pa organisá kursonan i kaminda ta nesesario lo aserká e otro ministerionan pa un kontribushon;
   6. E ministerionan ku ta bini dilanti den e plan di akshon lo duna ful koperashon pa loke ta trata ehekushon i éksito di e plan;
   7. Na 2024 ta evaluá implementashon di e plan

Ministerio(nan) responsabel: Ministerio di Hustisia.

_____________________________________________________________________________________________________________

9. Relashoná ku proposishon di Minister di Hustisia di dia 2 di novèmber 2022 enkuanto e palabrashonnan entre pais i Analytisch Diagnostisch Centrum N.V. pa duna servisio, Konseho di Minister ta bai di akuerdo ku e siguiente puntonan:

1. 1. E akuerdo den konsepto entre pais i Analytisch Diagnostisch Centrum N.V. pa duna servisio;
   2. Outorisá e Sekretario General a.i. di Ministerio di Hustisia pa firma e akuerdo den konsepto pa duna servisio.

Tambe Konseho di Minister a bai di akuerdo pa presentá e dekreto nashonal den konsepto na Gobernador pa firma.

Ministerio(nan) responsabel: Ministerio di Hustisia.

_____________________________________________________________________________________________________________

10. Konseho di Minister ta bai di akuerdo pa outorisá Ministerio di Enseñansa, Siensia, Kultura i Deporte pa – na nòmber di Kòrsou – firma e “non-disclosure agreement” (NDA) ku Algemeen Pensioenfonds Curaçao (APC) relashoná ku e trayekto pa yega na nos “Teatro Nashonal Ced Ride”. Esaki konforme konseho di Direktor di Sektor Kultura i Deporte di dia 27 di òktober 2022.

Tambe Konseho di Minister a bai di akuerdo pa presentá e dekreto nashonal den konsepto na Gobernador pa firma.

Ministerio(nan) responsabel: Ministerio di Enseñansa, Siensia, Kultura i Deporte.

_____________________________________________________________________________________________________________

11. Konseho di Minister ta bai di akuerdo ku loke a proponé pa duna komo instrukshon na e delegashon di Kòrsou pa loke ta e di 19 foro LGO-EU, un k’é otro konforme e proposishon di Minister di Asuntunan General di dia 7 di novèmber 2022:

1. 1. Aprobashon di e “Political Declaration” i “Administrative Resolutions” komo parti di e di 19 konferensia ministerial di e Overseas Countries and Territories Association (OCTA);
   2. Aprobashon di e statutonan nobo di OCTA;
   3. Aprobashon di e konklushonnan (“Conclusions”) di e foto LGO-EU ku a keda negoshá na Nueva Caledonia;
   4. Pa motibu di e situashon finansiero prekario di pais no ta bai di akuerdo ku oumento di e kontribushon anual di Kòrsou;
   5. Sostené postulashon di Kòrsou su kandidatura komo vise-presidente di e konferensia ministerial di OCTA;
   6. Sostené postulashon di Kòrsou su kandidatura komo presidente di e komishon ehekutivo di OCTA pa e periodo 2022-2023.

Ministerio(nan) responsabel: Ministerio di Asuntunan General.

_____________________________________________________________________________________________________________

12. Relashoná ku e petishon di Minister di Finansa i konseho di e Direktor di Sektor di Maneho Finansiero i Maneho di Presupuesto, ámbos di dia 7 di novèmber 2022, Konseho di Minister ta bai di akuerdo ku e siguiente puntonan:

1. 1. E rapòrt tokante maneho finansiero di luna di sèptèmber 2022 inkluso e rapòrt tokante di tres kuartal di 2022;
   2. Entrega di ámbos rapòrt na Gobernador i Parlamentu;
   3. Entrega di ámbos rapòrt na e Kolegio di Supervishon Finansiero den kuadro di risibí konseho.

Ministerio(nan) responsabel: Ministerio di Finansa.

_____________________________________________________________________________________________________________

13. Konseho di Minister ta bai di akuerdo ku e proposishon di Ministerio di Enseñansa, Siensia, Kultura i Deporte pa kambio di presupuesto, aplikando artíkulo 47, insiso tres, di e “Landsverordening comptabiliteit 2010, pa realisá e proyekto di e sala deportivo multifunshonal na Soto fase-1, kon tal ku:

1. 1. Reda Sosial ta hasi un kontròl interno i tambe apliká su prosedura pa kontratá na momento di ehekushon di e trabounan;
   2. Reda Sosial ta involukrá e habitantenan di bario den e proyekto pa logra mas partisipashon i sentido di orguyo bou di nan pa ku e vèlt i sentro deportivo.

Ministerio(nan) responsabel: Ministerio di Enseñansa, Siensia, Kultura i Deporte.

_____________________________________________________________________________________________________________

14. Konseho di Minister ta bai di akuerdo ku e proposishon di Ministerio di Salubridat Públiko, Medio Ambiente i Naturalesa pa kambio di presupuesto, aplikando artíkulo 47, insiso tres, di e “Landsverordening comptabiliteit 2010, relashoná ku e donashon na Fundashon Duna Lus (Kraamkliniek), kon tal ku ta indiká e kambio di presupuesto akí den e presupuesto supletorio.

Ministerio(nan) responsabel: Ministerio di Salubridat Públiko, Medio Ambiente i Naturalesa.

_____________________________________________________________________________________________________________

15. Konseho di Minister ta bai di akuerdo ku e proposishon di Ministerio di Salubridat, Medio Ambiente i Naturalesa pa kambio di presupuesto, aplikando artíkulo 47, insiso tres, di e “Landsverordening comptabiliteit 2010, relashoná ku e kompensashon na personal di kuido di CMC, kon tal ku ta indiká e kambio di presupuesto akí den e presupuesto supletorio.

Ministerio(nan) responsabel: Ministerio di Salubridat Públiko, Medio Ambiente i Naturalesa.

_____________________________________________________________________________________________________________

16. Konseho di Minister ta bai di akuerdo ku konseho di Direktor di Sektor di Maneho Finansiero i Maneho di Presupuesto di dia 8 di novèmber 2022, pa loke ta e redukshonnan den e “Gewone Dienst” ku a keda proponé relashoná ku e Nota di Kambio 2023.

Ministerio(nan) responsabel: Ministerio di Finansa.

_____________________________________________________________________________________________________________

17. Konseho di Minister ta bai di akuerdo ku e ‘concept-instellingsbesluit’ di Uitvoeringsorganisatie Justitiële Zorg presentá pa Minister di Hustisia riba 9 di novèmber 2022.

Ministerio(nan) responsabel: Ministerio di Hustisia.

_____________________________________________________________________________________________________________

18. Konseho di Minister ta bai di akuerdo ku e ‘organisatie- en functieboek’ di Uitvoeringsorganisatie Justitiële Zorg presentá pa Minister di Hustisia riba 9 di novèmber 2022. Konseho di Minister tambe ta bai di akuerdo pa Minister di Gobernashon, Planifikashon i Servisio Públiko presentá e buki akí na e “Georganiseerd Overleg in Ambtenarenzaken” (ku intervenshon di Minister di Hustisia).

Ministerio(nan) responsabel: Ministerio di Hustisia.